ជំនឿ

បាទ ព្រះបន្ទូលថ្ងៃនេះមកពីម៉ាកុស (៣,៣១-៣៥) យើងឃើញថាគ្រួសាររបស់​ព្រះយេស៊ូជា​របៀប​ណា​? ថ្ងៃនេះព្រះបន្ទូលច្បាស់លាស់ណាស់ បងប្អូនណាក៏ដោយប្រព្រឹត្តតាមព្រះហឫទ័យរប​ស់​​ព្រះជា​​ម្ចាស់ ​ពិត​មែ​ន​នោះជាបងប្អូនរបស់យើង។ ពេលព្រះអង្គនិយាយរបៀបនេះមានន័យថា ព្រះសហគមន៍​ ឬក៏​គ្រួសារ​របស់​​ព្រះជាម្ចាស់ហ្នឹងធំណាស់។

ព្រះយេស៊ូគង់នៅជាមួយបណ្តាជន នៅក្នុងចំណោមពួកគេ ​ព្រះអង្គបានជ្រើសរើស១២នាក់ អស់​អ្នក​ដែល​ ដើម្បីចាត់គេពីរៗនាក់ឱ្យទៅប្រកាសដំណឹងល្អ។

ទាំងអត្ថបទទី១ និងព្រះគម្ពីរដំណឹងល្អនៅថ្ងៃនេះ រំលឹកយើងអំពីការអនុវត្តតាមព្រះបន្ទូល ​ជាគ្រីស្តបរិស័ទ​ត្រូវ​អនុវត្តតាមការប្រៀនប្រដៅរបស់ព្រះយេស៊ូ ដើម្បីឱ្យយើងទៅក្លាយជានិមិត្តរូបអំពី​អត្តសញ្ញាណរបស់​ព្រះយេស៊ូគ្រីស្ដនៅលើលោកីយ៍នេះ គឺព្រះសង្គ្រោះរបស់យើងទាំងអស់គ្នា។

នៅក្នុងអត្ថបទព្រះគម្ពីរដំណឹងល្អម៉ាកុស២,១-១២ គឺរៀបរាប់រ៉ាយរ៉ាប់អំពីបុរស៤ នាក់ ដែល​សែង​អ្នក​ពិកា​រ​ខ្វិ​នដៃខ្វិនជើងម្នាក់មករកព្រះយេស៊ូ។ ឧបការគុណរបស់បុរស៤នាក់នេះ នាំឱ្យបុរសពិការទទួល​បាន​កា​រ​សង្គ្រោះ។ ចំណុចដ៏សំខាន់នេះ គឺជាជីវិតរបស់យើងផ្ទាល់ដែលទទួលបាន​ការសង្គ្រោះ​តាមរយៈ​អ្ន​ក​ដទៃ គេជួយយើង យើងស្គាល់ព្រះយេស៊ូ តាមជំនឿជាគ្រីស្ដបរិស័ទ តាមរយៈលោកបូជាចារ្យ បងស្រី និងបងប្អូនដទៃៗទៀតដែលគេបានស្គាល់ព្រះយេស៊ូមុនយើង។

ពីមួយសប្តាហ៍ទៅមួយសប្តាហ៍ ដំណើរនៃកាលវេលាកាន់តែទៅមុខយ៉ាងលឿន។ នៅថ្ងៃសៅរ៍ ទី២៤ នេះ យើងនឹងស្តាប់ព្រះបន្ទូលដំណឹងល្អតាមរយៈលោកម៉ាកុស (៣,២០-២១) ជាព្រះបន្ទូលដ៏ខ្លី ប៉ុន្តែ! ​បា​ន​ផ្តោតទៅលើក្រុមគ្រួសាររបស់ព្រះយេស៊ូដែលមកតាមរកព្រះអង្គ។ ពួកគេមានការខ្វល់ខ្វាយ នៅ​ពេល​បាន​ឮ​ថា ព្រះអង្គរវល់ខ្លាំង រហូតដល់គ្មានពេលទទួលទានអាហារ និងគ្មានពេលជួប​ក្រុម​គ្រួ​សារ។ ក្រុម​គ្រួសារ​ក៏​បានតាមរក ដោយគិតថាព្រះអង្គដូចជាវង្វេងហើយ។ ការព្រួយបារម្ភនេះជារឿងពិត ដែលឪពុកម្តាយ បងប្អូនតែងតែខ្វល់ខ្វាយ។

បាទបងប្អូន ថ្ងៃសប្ប័ទជាថ្ងៃអ្វី? ជាថ្ងៃដែលសាសនាយូដាកាន់តាមធម្មវិន័យ អនុវត្តតាមធម្មវិន័យ ជា​ថ្ងៃ​សៅ​រ៍ដែលបងប្អូនជនជាតិយូដាតែងតែគោរព មិនធ្វើការងារតាមការកំណត់ធម្មវិន័យ។ កាបូតគួរស្រូវសាវ័ករបស់ព្រះយេស៊ូ គេចាត់ទុកថាជាការធ្វើការ គឺខុសនិងធម្មវិន័យ។ តែមិនដូច្នោះ ព្រះយេស៊ូ​កំពុង​​អប់រំបង្រៀនយើង ព្រះអង្គចង់ឱ្យយើងដឹងថា គោល​បំណងរបស់ធម្មវិន័យ ​គឺឲ្យ​យើង​គោរ​ព​​ព្រះ​ជា​ម្ចាស់ និងចេះបង្ហាញធម្មមេត្តាករុណារបស់ទ្រង់ ជាអ្វីដែលធំជាងធម្មវិន័យទៅទៀត។

បាទជម្រាបសួរបងប្អូនជាទីស្រឡាញ់! នៅថ្ងៃនេះយើងស្តាប់ព្រះបន្ទូលពីម៉ាកុស (១,២១-២៨) ទាក់​ទង​នឹងការបណ្តេញខ្មោចរបស់ព្រះយេស៊ូ។ តើបងប្អូនជឿថាមានខ្មោចទេ? ប្រហែលជាគំនិតមួយដែលនាំឲ្យ យើងរិះគិត! ព្រោះកាលណាក្នុងព្រះគម្ពីរនិយាយអំពីខ្មោចមានន័យថា មានខ្មោចមែន។ ប៉ុន្តែ! បងប្អូន ត្រូវដឹងថា ពេលណាមានខ្មោច ពេលនោះក៏មានព្រះជាម្ចាស់ដែរ។ ព្រះជាម្ចាស់តែងតែឈ្នះខ្មោច ឬ​ឈ្នះ​សេចក្តីអាក្រក់ទាំងពួង។

សូមជម្រាបសួរ បងប្អូនទាំងអស់គ្នា!ថ្ងៃនេះ គឺជាថ្ងៃទី១ នៅក្នុងរដូវធម្មតា ក្នុងព្រះសហគមន៍កា​តូ​លិក​។ កាលពីម្សិលមិញ ជាថ្ងៃ ព្រះយេស៊ូទទួលបានអគ្គសញ្ញាជ្រមុជទឹក ដែលបាន​បង្ហាញ​យើង​ពីរបៀបរស់នៅ ជាសមាជិកគ្រួសារតែមួយរបស់ព្រះអង្គគឺ សូមឱ្យយើង​ចេះបន្ទាប​ខ្លួន ដូចព្រះយេស៊ូបម្រើអ្នកដទៃ។

បងប្អូនជាទីស្រឡាញ់ ដំណឹងល្អនៅថ្ងៃនេះ យើងនឹងមកជួបស្ដាប់អំពីជីវិតរបស់លោក យ៉ូហាន បាទីស្ដ។ ដូច​បងប្អូនបានស្គាល់ហើយ លោកយ៉ូហាន បាទីស្ដ ជាឥសីម្នាក់ដែលរស់នៅវាលរហោស្ថាន ហើយ​ជា​លោក​​​ម្នាក់ដែលមានសាវ័កដើរតាម ​ អាទិត្យ​មុនលោក​យ៉ូហាន​បានប្រាប់ថានរណា​ជាកូនចៀមរបស់​ព្រះ​ជា​​​​ម្ចាស់​។ លោកយ៉ូហាន បានបន្ទាបខ្លួនរស់នៅដោយចិត្តសុភាពរាបសារ ហើយទទួលស្គាល់ថាលោ​ក​​គ្រាន់តែជាសំឡេងមួយដើម្បីប្រាប់ថា នោះហ្ន៎ ជាកូនចៀមរបស់ព្រះជាម្ចាស់។

នៅក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះ គឺមានមនុស្សឃ្លង់ម្នាក់ គាត់បានជួបព្រះយេស៊ូ និងគាត់​សុំ​ទ​ទួលការសង្គ្រោះពីព្រះយេស៊ូ។ គាត់ទូលព្រះអង្គថា៖ «ព្រះអង្គម្ចាស់ ប្រសិនបើព្រះអង្គសព្វព្រះ​ហឫ​ទ័​យ​ ព្រះអង្គអាចប្រោសឱ្យទូលបង្គំបានជាស្អាតបរិសុទ្ធផង»។

ព្រះបន្ទូលថ្ងៃនេះ ព្រះយេស៊ូបង្ហាញការអស្ចារ្យនៃ​ការ​កាត់​នំប៉័ងចែកដល់ប្រជាជនយ៉ាងច្រើនកុះករ។ ព្រះ​យេស៊ូយាងមកក្នុងលោកនេះ មិនសម្រាប់តែជន​ជាតិ​អ៊ី​ស្រាអែល ប៉ុន្តែ​ព្រះអង្គជាព្រះ​ស​ង្គ្រោះ​សម្រាប់​មនុស្ស​គ្រប់ជាតិសាសន៍។ ប្រជាជនដែលតាម​​ស្តាប់​ព្រះបន្ទូលរបស់ព្រះអង្គមកពីគ្រប់ជាតិសាសន៍ ហើយ​ព្រះអង្គធ្វើ​ការអស្ចារ្យនៅថ្ងៃនេះគឺពង្រីកនំបុ័ង និងត្រីពីរកន្ទុយ ឱ្យប្រជាជនទាំង​អស់​។

បងប្អូនជាទីគោរពជាទីស្រឡាញ់ ថ្ងៃនេះជាថ្ងៃចន្ទ ក្រោយបុណ្យព្រះយេស៊ូសម្ដែង​ព្រះអង្គ​ឲ្យ​ពួក​ហោរាចារ្យ​​ឃើញ ក៏ដូចជាព្រះអង្គបានបង្ហាញព្រះអង្គឲ្យមនុស្សលោកស្គាល់ព្រះអង្គដែរ។

ថ្ងៃនេះគឺជាបុណ្យព្រះនាងម៉ារី ដូច្នេះយើងថ្វាយឆ្នាំសកលថ្មីទៅព្រះនាងម៉ារីជាមាតារបស់ព្រះអម្ចាស់ និង​ជា​​​ម្ដាយ​របស់យើង។ យើងសង្ឃឹមថា ឆ្នាំថ្មីនេះនឹងមានសេចក្តីសុខសាន្ត សុភមង្គលរួមជាមួយ​គ្នា​នៅ​ក្នុង​គ្រួ​សា​រ ព្រះសហគមន៍ នឹងពិភពលោកទាំងមូលផងដែរ។ យើងថ្វាយអ្វីៗទាំងអស់ ទាំង​មនុ​ស្ស​​ សត្វ និងរុក្ខជាតិនៅក្នុងពិភពលោកនេះទៅព្រះនាងម៉ារី ដោយសង្ឃឹមថានឹងមានសន្តិភាពទាំង​ចិត្ត និង​​កាយ​។

បាទ! បងប្អូន ព្រះបន្ទូលថ្ងៃនេះនិយាយអំពីនាងហាណាបានទស្សទាយអំពីរឿ​ងរបស់ព្រះយេស៊ូឱ្យ​ព្រះ​នាង​ម៉ារី។ នាងហាណាជាស្ត្រីម្នាក់ដែលថ្វាយខ្លួនដូចជាដូនជី ឬក៏យាយព្រះពុទ្ធសាសនា គឺឧទ្ទិសខ្លួ​ន​បម្រើ​ព្រះ​ជាម្ចាស់។ ប្រជាជនអ៊ីស្រាអែលមួយចំនួនដែលមានវ័យចំណាស់គេដឹងថានឹងមានព្រះមេស៊ី ឬ​ព្រះសង្គ្រោះមកក្នុងលោកនេះ ក្នុងចំណោមប្រជាជនចំណាស់ទាំងនោះក៏មាននាង​ហាណា​ម្នាក់​ដែល គាត់​មិន​ដឹងថា ព្រះសង្គ្រោះ ឬហៅថាព្រះគ្រីស្ទហ្នឹងជានរណាទេ តែនាងហាណាថ្ងៃនេះ បានប​ង្ហាញព្រះ​គ្រីស្ត​នេះ​សម្រាប់អ្នកដទៃ។

នៅក្នុងថ្ងៃនេះ គឺជាថ្ងៃបុណ្យគោរពសន្តស្ទេហ្វាន ជាមរណសាក្សី ជាមរណសាក្សីមានន័យថា គេ​សម្លាប់​គាត់​ដោយសារជំនឿ ព្រោះគាត់មិនព្រមបដិសេធ​ព្រះយេស៊ូ​ គាត់ប្រកាសព្រះយេស៊ូគឺជាព្រះគ្រីស្ត ជា​ព្រះ​មេ​ស្ស៊ី​ ដែលគង់នៅជាមួយយើង និងប្រទានអំណរសប្បាយឱ្យយើង។ ហេតុនេះ​ព្រះគម្ពីរដំណឹងល្អ ដែល​បង​ប្អូនបានស្ដាប់នៅក្នុងថ្ងៃនេះ មានអត្ថន័យជ្រាលជ្រៅមែនទែន ត្បិត​ព្រះយេស៊ូប្រាប់ទៅ​អ្នកជឿលើ​ព្រះ​អង្គ​ថា «ចូរប្រយ័ត្ន កុំទុកចិត្តមនុស្សលោកឱ្យសោះ ត្បិតគេនឹងបញ្ជូនអ្នករាល់គ្នាទៅតុលាការ»។

ផ្តល់សក្ខីភាពដោយ៖ កញ្ញា ជា សុវណ្ណច័ន្ទបុប្ផា គ្រីស្តបរិស័ទព្រះសហគមន៍ផ្សាតូច នាភូមិភាគភ្នំពេញ

ផ្តល់សក្ខីភាពដោយ៖ អ្នកស្រីហួត ហ៊ាង គ្រីស្តបរិស័ទព្រះសហគមន៍កោះរកាក្រៅ (ភូមិភាគកំពង់ចាម)

ផ្តល់សក្ខីភាពដោយ៖ អ្នកស្រី ម៉ែន ថារី គ្រីស្តបរិស័ទព្រះសហគមន៍អំពៅព្រៃ (ភូមិភាគភ្នំពេញ)

ផ្តល់សក្ខីភាពដោយ៖ បងស្រី សួន ថាវីន មកពីក្រុមគ្រួសារស្រឡាញ់ព្រះឈើឆ្កាងព្រះយេស៊ូ

ផ្តល់សក្ខីភាពដោយ៖ កញ្ញាជា សុវណ្ណច័ន្ទបុប្ផា គ្រីស្តបរិស័ទព្រះសហគមន៍កាតូលិកផ្សាតូច (ភ្នំពេញ)