ថ្ងៃទី០៧ ខែឧសភា ឆ្នាំ២០២៦អត្ថបទគម្ពីរយ៉ូហាន ១៥,៩-១១អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល
ព្រះយេស៊ូមានព្រះបន្ទូលថា សូមឲ្យយើងស្នាក់នៅក្នុងអង្គព្រះអង្គ ជាដរាបរហូត ឲ្យយើងនៅក្នុងសេចក្ដីស្រលាញ់របស់ព្រះយេស៊ូ ដើម្បីឲ្យយើងមានអំណរសប្បាយពេញលក្ខណៈ ប៉ុន្តែប្រហែលជាពិបាកសម្រាប់ពេលចាប់ផ្ដើមចូលនៅក្នុងគ្រីស្តសាសនា យើងមានអំណរសប្បាយ យើងចូលនៅក្នុងព្រះសហគមន៍ អ្វីៗទាំងអស់ ដូចជាកើតជាថ្មី។
បន្តិចម្ដងៗ ពីមួយឆ្នាំទៅមួយឆ្នាំ ប្រហែលជាយើងមិនមានអំណរសប្បាយដូចពីមុនទេ យើងនឹងយល់ថាវារឿងធម្មតា ឬពេលខ្លះរឿងដដែលៗ ដូចជាការថ្វាយពិធីបូជាអញ្ជឹងដែរ។ ប៉ុន្តែ ខ្ញុំមិនចង់ឲ្យបងប្អូនយល់ដូច្នោះឡើយ ដើម្បីឲ្យយើងនៅជាមួយព្រះយេស៊ូរហូត លក្ខខណ្ឌទី១៖ គឺ អធិដ្ឋាន ឲ្យយើងមានទំនាក់ទំនងផ្ទាល់ខ្លួនជាមួយព្រះយេស៊ូ ដូចជាឲ្យយើងពង្រឹងសេចក្ដីស្រលាញ់របស់យើងចំពោះព្រះយេស៊ូ ពីមួយថ្ងៃទៅមួយថ្ងៃ។
ទី២៖ យើងត្រូវតែ រកអំណរសប្បាយរបស់យើងនៅក្នុងព្រះសហគមន៍ បើសិនជាខ្ញុំមកថ្វាយពិធីបូជាដដែលៗ ប្រហែលជាខ្ញុំគួរចូលនៅក្នុង ក្រុមចម្រៀង ឬក្រុមអ្នកបម្រើតុកសក្ការៈ ឬចូលនៅក្នុង ការអប់រំជំនឿសារជាថ្មី ដូចជាចូលរួមនៅក្នុងសកម្មភាពណាមួយ ក្នុងព្រះសហគមន៍ដែលធ្វើឲ្យខ្ញុំ មានអំណរសម្រាយ បើសិនជាខ្ញុំមានអំណរសប្បាយ មិនសូវពិបាកប៉ុន្មានទេ ឲ្យនៅជាមួយព្រះយេស៊ូ។
ដូច្នេះ សូមបងប្អូនគិតឡើងវិញអំពីជីវិតរបស់បងប្អូនរួមជាមួយព្រះសហគមន៍ សូមស្វែងរកអំណរសប្បាយនៅក្នុងព្រះសហគមន៍ ឬអំណរសប្បាយ ក្នុងការប្រកាសដំណឹងល្អ ដើម្បីឲ្យបាននៅជាមួយព្រះយេស៊ូជារៀងរហូត៕
Daily Program
