វិចារណកថា

រដ្ឋមន្រ្តីក្រសួងប្រៃសណីយ៍ និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថលកម្ពុជា នៅថ្ងៃទី៥ ខែធ្នូ ឆ្នាំ២០២៥ថ្មីៗនេះបានបញ្ជាក់ពីការត្រៀមខ្លួនរួចរាល់របស់កម្ពុជា ក្នុងការដាក់ឱ្យដំណើរការសេវា ៥G ចាប់ពីឆ្នាំ២០២៦តទៅ ប៉ុន្តែទោះបីជាយ៉ាងណាក៏ដោយមានពលរដ្ឋ ជាច្រើនបានលើកឡើងថា កុំអាលដល់ ៥G អីសុំអោយ សេវាកម្ម​ ៤G ដែលកំពុងតែប្រើដើរឲ្យស្រួលនិង ទូលំទូលាយទៅបានហើយ។

សកម្មភាពបង្កសង្រ្គាមរបស់ថៃដើម្បីដណ្តើមនិងរំលោភដែនអធិបតេយ្យនិងបូរណភាពទឹកដីកម្ពុជាបានកំពុងតែបន្ត ដូច្នេះសូមលើកកំពស់ការប្រុងប្រយ័ត្នគ្រប់សកម្មភាព ទាំងសុវត្ថិភាព ផ្ទាល់ខ្លួន ការចែកចាយរូបភាព និង វីដេអូ ក៏ដូចជាការនិយាយអំពីបញ្ហាកងទ័ព ។

មួយរយៈនេះក្រៅពីប្រជាពលរដ្ឋយើងទូទៅធ្វេសប្រហែសរឿងអនុវត្តតាមច្បាប់ចរាចរណ៍ហើយនោះ បងប្អូនអ្នកដែលកំពុងតែប្រកបរបររត់ម៉ូតូកង់បីផ្តល់សេវាដឹកជញ្ជូនទំនិញនិងមនុស្សមួយចំនួន ហាក់បើកបរមានសភាពមើលស្រាលលើសុវត្ថិភាព និងធ្វេសប្រហែសច្រើនដែលគប្បីរិះគិតឡើងវិញហើយងាកមកបើកបរនិងប្រើប្រាស់ផ្លូវដោយយកច្បាប់ចរាចរណ៍ជាគោល បូកផ្សំនិងការយោគយល់ និង គោរពសិទ្ធិគ្នាទៅវិញទៅមកនៅលើទ្រូងផ្លូវ។

ស្ថានការណ៍នៅព្រំដែនកំពុងតែតានតឹងជាថ្មី ក្រោយពេលដែលកម្លាំងថៃបានបាញ់ប្រហារមកកាន់ កម្ពុជាជាបន្តបន្ទាប់ចាប់តាំងពីរសៀលថ្ងៃទី ០៧ ខែ ធ្នូ ឆ្នាំ២០២៥ ជាច្រើនទីតាំង ។

នៅប្រទេសគេការជួញដូរគ្រីបតូអាចមិនអី ប៉ុន្តែសម្រាប់កម្ពុជាការពាក់ព័ន្ធនឹងគ្រីបតូគួរកុំអាលអី ដោយសារតែវាគឺជាឧបករណ៍នៃការទូទាត់ដែលមិនត្រូវបានទទួលស្គាល់ដោយរដ្ឋនៅឡើយទេ ។

ព្រោះតែចង់ឡូយ ឬចង់ឲ្យគេកោតឲ្យគេក្រែងមនុស្សចូលចិត្តធ្វើអ្វីដែលប្លែកៗចម្លែកខុសពីគេឯង ករណីដូចជាក្រុមអ្នកចូលចិត្តបើកបរយានជំនិះកែប្រែឬកែច្នៃខុសពីស្តង់ដារសុវត្ថិភាព ជាហេតុនាំឲ្យមានបញ្ហាទាំងសុវត្ថិភាពផ្ទាល់ខ្លួននិងបញ្ហាផ្លូវច្បាប់ផ្សេងៗ។

បរិមាណគ្រឿងញៀនដែលសមត្ថកិច្ចប៉ូលីសបានបង្រ្កាបមកអស់រយៈពេល១១ខែនៃឆ្នាំ២០២៥កន្លងមក ឃើញថាមានបរិមាណថយ ប៉ុន្តែជនសង្ស័យដែលត្រូវបានឃាត់ខ្លួនឃើញថានៅតែបន្តកើន ដូច្នេះអ្នកដែលពាក់ព័ន្ធនឹងគ្រឿងញៀននៅតែកើន ដែលយើងចាំបាច់ត្រូវជួយគ្នាបន្តទៀតដើម្បីបោសសំអាតបញ្ហានេះចេញពីសង្គមរបស់យើង ។​

វិស័យទេសចរណ៍ជាវិស័យសំខាន់មួយរបស់កម្ពុជា ប៉ុន្តែស្ថិតិដែលដឹងហើយចុះផ្សាយដោយសារព័ត៌មាន​នានាបង្ហាញថា វិស័យទេសចរណ៍កំពុងតែមានការធ្លាក់ចុះដែលទាមទារឲ្យមានការប្រឹងប្រែងដើម្បីស្តារ និងពង្រឹងការទាក់ទាញភ្ញៀវឡើងវិញ។​

គ្រោះមហន្តរាយដោយអគ្គីភ័យមួយរយៈពេលនេះឧស្សាហ៍កើតមានឡើងណាស់ ដូច្នេះប្រជាពលរដ្ឋយើងទាំងអស់គ្នាសូមប្រុងប្រយ័ត្នឲ្យបានទ្វេរដង។

បញ្ហាក្មេងទំនើងដូចជាកាន់តែអាក្រក់និងសាហាវទោះបីជាការបង្រ្កាបត្រូវបានធ្វើជាបន្តបន្ទាប់ដោយសមត្ថកិច្ចក៏ដោយ ប៉ុន្តែសញ្ញានៃការថមថយហាក់មិនទាន់ឃើញនោះទេ ដូច្នេះ​យើងទាំងអស់គ្នាចាំបាច់​ត្រូវតែពង្រឹងនិងយកចិត្តទុកដាក់ទាំងអស់គ្នា។​

នាដំណាក់កាលនេះប្រសិនបើស្ថាប័នពាក់ព័ន្ធជាពិសេសគឺក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍អាចរៀបចំយុទ្ធសាស្រ្តពង្រឹងសហគ្រាសធុនតូចនិងមធ្យមហើយអាចលើកកំពស់សមត្ថភាពនិងផលិតកម្មរបស់ពួកគេបានវាគឺជារឿងប្រសើរបំផុតសម្រាប់កម្ពុជា។

ចុងឆ្នាំនេះហេតុការណ៍គ្រោះអគ្គីភ័យគឺឃើញកើតមានច្រើនគួរសម ហើយទំហំនៃគ្រោះមហន្តរាយនៃគ្រោះអគ្គីភ័យនេះគឺធំៗមានច្រើន ដែលចាំបាច់ត្រូវតែលើកកំពស់ការប្រុងប្រយ័ត្ន។

ករណីអំពើឃាតកម្មដ៏រន្ធត់និងសាហាវកាលពីថ្ងៃទី២៣ ខែវិច្ឆិកា ឆ្នាំ២០២៥ថ្មីៗនេះ ក្រៅពីផ្តន្ទាទោសជនដៃដល់ហើយនោះ សង្គមគួរតែ​សិក្សាស៊ីជម្រៅ និង​វិភាគរកហេតុផលពិតប្រាកដ ដើម្បីបង្ការកុំអោយករណី​នេះកើតមានឡើងជាថ្មី។​

នៅពេលនេះដើម្បីឲ្យផលិតកម្មនៅក្នុងស្រុកយើងខ្លាំង ហើយកាន់តែមានគុណភាព យើងជាប្រជាពលរដ្ឋគួរតែជួយគាំទ្រឲ្យបានផុលផុសបន្តទៀត ប៉ុន្តែអ្នកដែលក្លែងបន្លំអ្នកដែលយកផលិតផលគេមកវៃសឺរ៉ាឬក្លែងបន្លំថា ជាផលិតផលនៅក្នុងស្រុកគួរតែត្រូវតែពិន័យនិងដាក់ទណ្ឌកម្មតាមផ្លូវច្បាប់ឲ្យបានធ្ងន់ធ្ងរ​។​

ថ្ងៃសុក្រទី២១ ខែវិច្ឆិកា ឆ្នាំ២០២៥ ជា ថ្ងៃទី១១៥ ហើយ ដែលវីរកងទ័ពកម្ពុជាចំនួន១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។ តើសុខទុក្ខបងប្អូនយ៉ាងណាហើយ យើងទាំងអស់គ្នា នៅតែបន្តរង់ចាំបងប្អូនមកវិញ ហើយនៅតែសង្ឃឹមថា ភាគីថៃនឹងប្រគល់បងប្អូនមកវិញហើយមិនប្រើប្រាស់បងប្អូនជាឈ្នាន់នយោបាយ​។

រឿងថ្មីនោះគឺពាក់ព័ន្ធនឹងសកម្មភាពរបស់បុគ្គលមួយចំនួន ដែលប្រើប្រាស់វិជ្ជាជីវៈសារព័ត៌មានទៅប្រពឹត្តិអំពើមិនគប្បីហើយផ្សព្វផ្សាយលើបណ្តាញសង្គម​ រហូតដល់ក្រសួងព័ត៌មានចេញវិធានការ ជាបន្ទាន់ ដើម្បីរំងាប់ការរិះគន់។​

ករណីនារីម្នាក់ធ្វើសកម្មភាពជាមួយនឹងរថយន្តមួយគ្រឿងទៅរំដោះអ្នកទោសនៅតុលាការខេត្តស្វាយរៀងកាលពីថ្ងៃទី ១៨ ខែវិច្ឆិកា ឆ្នាំ២០២៥ គឺជារឿងដែលមិនគួរកើតទាល់តែសោះ ហើយករណីនេះគឺជាករណី ដែលបង្ហាញពីចន្លោះប្រហោងផ្នែកសន្តិសុខដែលសមត្ថកិច្ចពាក់ព័ន្ធនានាចាំបាច់ត្រូវតែពង្រឹងឡើងវិញ។

មួយរយៈនេះ មន្រ្តីធំៗក្រសួងសុខាភិបាលពេលខ្លះរហូតដល់រដ្ឋមន្រ្តីបានកំពុងតែចុះពិនិត្យស្តង់ដានានានៅតាមមណ្ឌលសុខភាពនិងប៉ុស្តិ៍សុខភាពនានានៅតាមមូលដ្ឋានជាបន្តបន្ទាប់ ដូចនេះ មណ្ឌលសុខភាព និងប៉ុស្តិ៍សុខភាពនានាដែលមានគឺចាំបាច់ត្រូវតែពង្រឹងនិងរៀបចំស្តង់ដា។

នៅពេលគេមើលស្រាលយើង ខឹងគេចុះ ប៉ុន្តែកុំប្រទូសសារ៉ាយហើយយកកំហឹងទល់កំហល់ គឺប្រើសតិហើយកែប្រែការឈឺចាប់ឲ្យទៅជាកម្លាំងដើម្បីខិតខំធ្វើឲ្យ​សម្រេចបានលើសពីគេ ប៉ុន្តែប្រសិនបើយើងខឹងគេ តែមិនខំ ហើយផ្ទុយទៅវិញនៅតែបន្តត្រសុលក្បាលឲ្យគេមើលងាយទៀតនោះ វាគឺជារឿង​មួយ​មិនគួរទាល់តែសោះ។

មិនត្រឹមតែនៅផ្សារជាប្រពៃណីនោះទេ សូម្បីតែនៅតាមផ្សារទំនើបដែលមានយីហោ មានកិត្តិនាមមួយចំនួនក៏មានករណីយកទំនិញប្រទេស​ជិត​ខាង ដែលវេចខ្ចប់សុទ្ធតែជាអក្សរខ្មែរ ហើយសំខាន់ដាក់អាស័យដ្ឋានខ្មែរ លេខទូរស័ព្ទខ្មែរ​ ប៉ុន្តែដល់ទៅស្កេនឃ្យូអរកូដ ស្រាប់តែចេញសុទ្ធតែអក្សរផ្សេង។​