ពត៌មាន

នៅក្នុងអំឡុងពេលបំពេញទស្សនកិច្ចនៅប្រទេសហ្សកដានី កាលពីចុងសប្តាហ៍មុននៅក្នុងនាមសម្តេចប៉ាបហ្រ្វង់ស៊ីស្កូ លោកកាឌីណាល់ ព្យែត្រូ ផារ៉ូលីន បានមានប្រសាសន៍ថា គ្រីស្តបរិស័ទនៅទីណា ក៏ដូចជាទីណាមិនថា នៅមជ្ឈិមបូព៌ា ឬក៏សាកលទេគឺតែមួយ។

តាមសារនិងខ្លឹមសារនៃកម្មវិធីអប់រំជំនឿរបស់សម្តេចប៉ាបហ្រ្វង់ស៊ីស្កូកាលពីសប្តាហ៍មុន ទ្រង់រំលឹកគ្រីស្តបរិស័ទអំពីការព្រងើយកន្តើយនិងការរំលោភបំពានកុមារ។

វ៉ាទីកង់ញូវបានរាយការណ៍ថា នៅពេលសម្តេចប៉ាបហ្រ្វង់ស៊ីស្កូយាងទទួលក្រុមអ្នកការទូតដែលមាននិវេសនដ្ឋាននៅបុរីវ៉ាទីកង់ទាំងអស់កាលពីថ្ងៃទី ០៩ ខែ​មករា ឆ្នាំ២០២៤ ទ្រង់បាន​ អំពាវនាវឱ្យបណ្តាឯកអគ្គរដ្ឋទូតនានាដែលមានទំនាក់ទំនងការទូតនឹងសន្តអាសនៈរិះគិតអំពីការទូតដែលផ្តោតលើក្តីសង្ឃឹមដោយផ្អែកលើការពិត ការលើកលែងទោស សេរីភាព និងយុត្តិធម៌។

សម្តេចប៉ាបហ្រ្វង់ស៊ីស្កូ មានបន្ទូលនៅពេលយាងទទួលគណៈប្រតិភូមួយក្រុមដែលជាសមាជិកនៃ វេទិកាសាសនទូតបារាំងកាលពីថ្ងៃទី ១០ ខែមករា ឆ្នាំ២០២៥ថា យើងត្រូវតែចែករំលែកអំណរនៃដំណឹងល្អ ដើម្បីនាំមកនូវក្តីសង្ឃឹមដល់ពិភពលោក។

ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី១៣ ខែមករា ឆ្នាំ២០២៥នេះ បានចេញសេចក្តីប្រកាសព័ត៌មានផ្លូវការ ដោយបញ្ជាក់ថា នៅក្នុងឆ្នាំ២០២៤ ខ្លួនបានអនុម័តគម្រោងវិនិយោគចំនួន៤១៤ ដែលមានទុនវិនិយោគសរុបប្រមាណ ៦.៩ពាន់លានដុល្លារ។

មន្ត្រីប៉ាឡេស្ទីនបាននិយាយថា មនុស្ស​៧០​នាក់ត្រូវបានសម្លាប់ក្នុងរយៈពេល ២៤ ម៉ោងនៃថ្ងៃទី៩ខែ មករា ឆ្នាំ២០២៥ ដែលនាំឲ្យ​ចំនួនអ្នកស្លាប់នៅទីនោះបានកើនឡើងដល់ ៤៦.000 នាក់។ នេះបើតាម​សេចក្តីរាយការណ៍របស់វ៉ាទីកង់ញូវ។

វ៉ាទីកង់ញូវបានរាយការណ៍ថា សម្តេចប៉ាបហ្រ្វង់ស៊ីស្កូ កាលពីថ្ងៃទី ១០ ខែ មករា ឆ្នាំ២០២៥ បានយាងទទួល​កុមារដែលទទួលការព្យាបាលនៅគ្លីនិកជំងឺមហារីក និងជំងឺពាក់ព័ន្ធនឹងសរសៃឈាម ក្នុងប្រទេសប៉ូឡូញ។​

លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីនៃសន្តអាសនៈ រួមនឹងអគ្គអភិបាល​ ព្យែរ​បាទីស្តា ភីហ្សាប៊ែយ៉ា (​Pierbattista Pizzaballa) នៃគ្រីស្តសាសនានិកាយ​អូតូឌុក បានអញ្ជើញចូលរួមពិធីសម្ភោធព្រះវិហារ​ព្រះយេស៊ូ​ទទួល​ពិធី​ជ្រមុជទឹក​ និងចែករំលែក​អំណរសប្បាយ​ជាមួយគ្រីស្ត​បរិស័ទ​នៅ​ហ្សកដានី កាលពីថ្ងៃសុក្រសប្តាហ៍មុន។

វ៉ាទីកង់ញូវបានរាយការណ៍ថា គ្រីស្តបរិស័ទជាសមាជិកនៃព្រះសហគមន៍កាតូលិកក្នុង​​ប្រទេសចិនកំពុងរួមគ្នាដើម្បីប្រមូលអំណោយ ដើម្បីជួយមនុស្ស​៥0.000 នាក់ដែលបានត្រូវជម្លៀសចេញ​ពីផ្ទះរបស់ពួកគេនៅទីបេបន្ទាប់ពីគ្រោះរញ្ជួយដីដ៏សាហាវកាលពីថ្ងៃអង្គារ។

មន្ដ្រីជំនាញនៃក្រសួងកសិកម្ម រុក្ខាប្រមាញ់ និង នេសាទ របស់កម្ពុជា បានចាប់ផ្តើមចុះយកសំណាកក្រពើចិញ្ចឹមរបស់សហគមន៍អ្នកចិញ្ចឹមក្រពើ នៅខេត្តសៀមរាប ដើម្បីវិភាគជំងឺ មុននឹងនាំចេញក្រពើរស់ ទៅកាន់សាធារណរដ្ឋប្រជាមានិតចិន។មន្ត្រីជំនាញរំពឹងថា នៅពេលការនាំចេញនេះទទួលបានជោគជ័យវានឹងអាចផ្តល់ផលប្រយោជន៍សេដ្ឋកិច្ចដល់អ្នកចិញ្ចឹមសត្វក្រពើក្នុងប្រទេសកម្ពុជា។

កម្ពុជា នៅតែផ្ដល់អាទិភាពលើដំណាំស្រូវ ដែលជាដំណាំយុទ្ធសាស្ត្រ យូរអង្វែងរបស់កម្ពុជា និងបានគូសបញ្ជាក់អំពីការដាក់ចេញគោលនយោបាយចាំបាច់នានា ដើម្បីគាំទ្រដំណាំស្រូវ និងធានាបាននូវភាពប្រកួតប្រជែងរបស់វិស័យស្រូវអង្ករកម្ពុជា។ នេះជាប្រសាសន៍របស់សម្ដេច ហ៊ុន ម៉ាណែត នាយករដ្ឋមន្រ្តីនៃកម្ពុជា ក្នុងកិច្ចពិភាក្សាការងារជាមួយសហព័ន្ធស្រូវអង្ករកម្ពុជា នាព្រឹកថ្ងៃទី០៨ ខែមករា ឆ្នាំ២០២៥។

ក្រសួងសុខាភិបាល នៅថ្ងៃទី១០ មករា ឆ្នាំ២០២៥នេះ បានឱ្យដឹងថា បុរសអាយុ ២៨ឆ្នាំម្នាក់ រស់នៅក្នុងភូមិលេខ២២ ឃុំចម្ការអណ្តូង ស្រុកចំការលើ ខេត្តកំពង់ចាម បានស្លាប់ដោយសារជំងឺផ្តាសាយបក្សី H5N1។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល។

ស្ថានទូតអាមេរិកនៅភ្នំពេញ កំពុងរៀបចំកិច្ចប្រជុំកំពូលជាលើកដំបូង នៃអតីតសមាជិកកម្មវិធី YSEALI ស្តីពីការចូលរួមរបស់ប្រជាពលរដ្ឋ ដែលរៀបចំធ្វើនៅរាជធានីភ្នំពេញ​ ពីថ្ងៃទី ៩ ដល់ ១២ ខែមករា ឆ្នាំ ២០២៥ ។ កិច្ចប្រជុំដ៏មានសារសំខាន់នេះ ធ្វើឡើងស្របពេលដែលសហរដ្ឋអាមេរិក និងព្រះរាជាណាចក្រកម្ពុជា ចាប់ផ្តើមប្រារព្ធខួបលើកទី ៧៥ នៃទំនាក់ទំនង​ការទូតរវាងប្រទេសទាំងពីរ ។

កាលពីចុងខែធ្នូ ឆ្នាំ២០២៤ ថ្នាក់ដឹកនាំនៃព្រះសហគមន៍កាតូលិកនៅក្នុងប្រទេសថៃបានអញ្ជើញចុះបំពេញទស្សនកិច្ចនិងសាកសួរសុខទុក្ខអ្នកទោសនៅពន្ធនាគារពីរ គឺនៅសារ៉ាបុរី និង មិនបុរី។

លោក យ៉ូសែប ត្រាន់ ហ្សួន ធីវ (Joseph Trần Xuân Tiếu)អតីតអភិបាលនៃព្រះសហគមន៍នៃភូមិភាគ ឡុងស៊ិន (Long Xuyên) ទទួល​មរណភាព​ក្នុង​ជន្មាយុ ៧៩ ឆ្នាំ។

វ៉ាទីកង់ញូវបានរាយការណ៍ថា បូជនីយេសក៍ជាងកន្លះលាននាក់បានឆ្លងកាត់ទ្វារវិសុទ្ធ នៃវិហារសន្តសិលា ក្នុងរយៈពេលពីរសប្តាហ៍ដំបូងនៃឆ្នាំព្រះមហាករុណាទិគុណ​២០២៥។

លោកអគ្គអភិបាល​ ជីអូវ៉ានី ព្យែត្រូ ដាល់ តូសូ (Giovanni Pietro Dal Toso) ឯកអគ្គរាជទូតសន្តអាសនៈប្រចាំប្រទេសហ្សកដានី មានប្រសាសន៍ថា គ្រីស្តបរិស័ទនៅមជ្ឈិមបូព៌ា ត្រូវតែដឹងថា អ្នកទាំងអស់គ្នាមិននៅឯកោទេ។

១១ថ្ងៃ មុននឹងការចាប់ផ្តើមអណត្តិរបស់លោកដូណាល់ ត្រាំ នៅសហរដ្ឋអាម៉េរិក កាលពីថ្ងៃ ទី ៩ ខែមករា លោកវ៉ូឡូឌីមៀ ហ្សេឡេនស្គី បានជួបសម្ព័ន្ធមិត្តរបស់អ៊ុយក្រែននៅប្រទេស​អាឡឺម៉ង់ ដែលជួបប្រជុំគ្នា ក្រោមការចង្អុលបង្ហាញរបស់សហរដ្ឋអាម៉េរិក​ដើម្បីពិភាក្សាអំពី​ជំនួយ​យោធារបស់ពួកគេ។

ព្រះសហគមន៍​កាតូលិកសន្តីម៉ារី​ញញឺម​ចំការទៀង​​បាន​រៀបចំ​កម្មវិធី​បង្ហោះ​ខ្លែង​ឯក ប្រណាំង​សេះ​និង​ក្របី​ ដើម្បី​អប​អរសាទរ​ឆ្នាំ​ថ្មី​ និង​ដើម្បីរក្សា​កេរ្តិ៍​ដំណែល​ដូន​តា​ និង​ប្រពៃណីដល់​កូនចៅ​ជំនាន់ក្រោយ​បាន​ស្គាល់​និង​ថែរក្សា​ទុក។

អង្គការសហប្រជាជាតិបានព្រមានថា ការងាររបស់ខ្លួនក្នុងការផ្តល់ជំនួយដល់ប្រជាជននៅតំបន់ហ្គាហ្សាគឺស្ថិតនៅចំណុចបំបែក បន្ទាប់ពីអ្វីដែលខ្លួនបាននិយាយថា ជា "គំរូប្រកបដោយចេតនា និងគ្រោះថ្នាក់" នៃការបំផ្លិចបំផ្លាញ និងការរំខានដោយកងទ័ពអ៊ីស្រាអែល និងក្រុមក្មេងទំនើងប៉ាឡេស្ទីន។