ក្រសួងអប់រំ យុវជន និងកីឡា នៅថ្ងៃទី៦ ខែមីនានេះ បានគូសបញ្ជាក់ថា សកម្មភាពថតវីដេអូ និងប្រើពាក្យសម្តីមិនសមរម្យរបស់បុគ្គលមួយរូប ទៅលើគ្រូជាប់កិច្ចសន្យាមួយរូប នៃសាលាបឋមសិក្សាក្នុងខេត្តពោធិ៍សាត់ គឺជាការប្រមាថយ៉ាងធ្ងន់ធ្ងរដល់កិត្តិយសមន្ត្រីរាជការ ជាពិសេសគ្រូបង្រៀនជាស្ត្រី។ ក្រសួងអប់រំ ក៏បានមើលឃើញថា សកម្មភាពរបស់បុគ្គលម្នាក់នេះ ក៏ជាការរំខានដល់ការបំពេញការងារ និងការរៀនសូត្ររបស់សិស្សផងដែរ។
