ពត៌មាន

សាលាដំបូង​រាជធានី​ភ្នំពេញ​ ​ផ្តន្ទាទោស​ដាក់​​ឱ្យ​ជាប់ពន្ធនាគារ​ពី​ ​៦​ ​ដល់​ ​៨​ ​ឆ្នាំចំពោះសកម្មជន​បរិស្ថាន​នៃ​ចលនា​មាតា​ធម្មជាតិ​ចំនួន​ ​១​០​នាក់​ នាព្រឹកថ្ងៃទី២ ខែកក្កដា ឆ្នាំ​២០២៤ ​ខណៈ​ដែល​សកម្មជន​ ​៤​រូប​ ​ដែល​មាន​វត្តមាន​នៅមុខ​តុលាការ​ ​ត្រូវ​បាន​ចាប់ខ្លួន​យ៉ាង​ហិង្សា​ដោយ​កងកម្លាំង​​សន្តិសុខ​ជាច្រើន​នាក់​ ​។​

សម្តេចប៉ាបហ្រ្វង់ស៊ីស្កូបាន ផ្ញើសាររបស់ទ្រង់ សម្រាប់ទិវានៃការអធិស្ឋានពិភពលោកដើម្បី​ថែរក្សា​ស្នាព្រះហស្តរបស់ព្រះជាម្ចាស់ នាឆ្នាំ​២០២៤នេះ ដោយ​អំពាវនាវឱ្យមនុស្សជាតិ​ប្រែចិត្តគំនិត ព្រោះ​ពួកគេ​កំពុងញ៉ាំញ៉ីដោយមហន្តរាយសង្រ្គាម និងកំណត់កម្រិតសីលធម៌លើការអភិវឌ្ឍន៍បញ្ញាសិប្បនិម្មិត។

អ្នកសង្កេតការណ៍អចិន្ត្រៃយ៍នៃសន្តអាសនៈនាអង្គការសហប្រជាជាតិ និងអង្គការអន្តរជាតិផ្សេងទៀតនៅទីក្រុងហ្សឺណែវ បានអំពាវនាវឱ្យការពារស្ត្រី និងកុមារីដែលបន្តរងការជួញដូរ ជាពិសេសសម្រាប់ការពពោះជំនួស និងពេស្យាចារ។

វ៉ាទីកង់ញូវបានរាយការណ៍ថា ក្រសួងគ្រប់គ្រងគោលលទ្ធិនៃជំនឿបានសម្រេចលើសេចក្តីសម្រេចចិត្តមួយ គាំទ្រទស្សនវិនិច្ឆ័យរបស់ក្រុមប្រឹក្សាលោកអភិបាលព្រះសហគមន៍កាតូលិកអ៊ីតាលីទាក់ទងនឹងករណីអបិយជំនឿមួយ​នៅក្នុងប្រទេសនេះ ។

លោកអគ្គអភិបាល វិនសេនហ្សូ ទូទូរូ (Vincenzo Turturro )ដែលជា ឯកអគ្គរាជទូតសន្តអាសនៈប្រចាំប្រទេសប៉ារ៉ាហ្គាយ ថ្កោលទោសការប៉ុនប៉ងធ្វើរដ្ឋប្រហារនៅបូលីវី ហើយអំពាវនាវឱ្យមានសកម្មភាពប្រកបដោយការទទួលខុសត្រូវ ដើម្បីបង្កើតសង្គមមួយកាន់តែត្រឹមត្រូវ និងសមធម៌នៅទូទាំងតំបន់។

លោក ជូង ជុងី ដែល​ជាអតីតអតីត សមាជិកគណៈកម្មាធិការអចិន្ត្រៃយ៍ គណបក្សភ្លើងទៀន និងជាមេធាវីការពារក្តី​ឱ្យ​លោក ស៊ុន ចន្ធី ប្រធានគណបក្ស កម្លាំងជាតិ បានសម្រេច​ស្នើសុំចូលរួម​ជីវភាពនយោបាយជាមួយនឹងគណបក្សកម្លាំងជាតិ។

​មូលនិធិគន្ធបុប្ផាកម្ពុជា បានប្រកាស​ឱ្យដឹងថា យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ របស់មូលនិធិគន្ធបុប្ផាកម្ពុជា ដែលបានផ្តួចផ្តើមឡើងដោយ លោកស្រី ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា ទទួលបានលទ្ធផលជោគជ័យគួរជាទីមោទកៈ។

តំណាងបុរីវ៉ាទីកង់ប្រចាំនៅអង្គការសហប្រជាជាតិ លោក រ៉ូបឺត ម័ហ្វី (Robert Murphy)បាន ថ្លែងសុន្ទរកថាចំហនៅក្រុមប្រឹក្សាសន្តិសុខអង្គការសហប្រជាជាតិក្នុងបុរីញូវយ៉ក ស្តីពីកុមារ និងជម្លោះប្រដាប់អាវុធ ហើយជំរុញឱ្យមានសកម្មភាពជាក់ស្តែងដើម្បីការពារពួកគេពីការកើនឡើងនូវអំពើឃោរឃៅ។

លោកកាឌីណាល់ដែលទទួលបន្ទុកកិច្ចការព្រះសហគមន៍នៅភាគខាងកើតបាន ឆ្លុះបញ្ចាំងពីសុន្ទរកថារបស់សម្តេចប៉ាបទៅកាន់កម្មវិធីមួយ ហើយពោលថា ព្រះសហគមន៍កាតូលិកនៅ ភាគខាងកើតគឺសុទ្ធតែជាជនរងគ្រោះនៃសង្គ្រាម។

ក្រុមកីឡាវាយកូនបាល់​របស់សន្តអាសនៈបានចេញ​ដំណើរទៅប្រកួតមិត្តភាព​នៅ ទីក្រុងឡុងដ៍​ប្រទេសអង់គ្លេស ក្រោម​ប្រធាន​បទ​ដំណើរ​ ​« ពន្លឺនៃជំនឿ»។

សម្តេចប៉ាបហ្រ្វង់ស៊ីស្កូ មានបំណងចង់យាងទៅបំពេញទស្សនកិច្ចនៅប្រទេសតួក​គីនាឆ្នាំ២០២៥ខាងមុខ ។ នេះបើតាមសេចក្តីរាយការណ៍របស់វ៉ាទីកង់ញូវ ។

ក្រសួងការបរទេស និងសហប្រតិបត្តិការអន្តរជាតិ បានប្រកាសឱ្យដឹងថា​ រដ្ឋមន្ត្រីការបរទេសជប៉ុន លោ​​កស្រី ខាមីខាវ៉ា យ៉ូកុ នឹងអញ្ជើញបំពេញទស្សនកិច្ចផ្លូវការនៅកម្ពុជា ពី​ថ្ងៃទី៥ ដល់ថ្ងៃទី ៦ ខែកក្កដា ឆ្នាំ២០២៤។

ក្រសួងអប់រំជំរុញឱ្យគ្រឹះស្ថានមធ្យមសិក្សា ធ្វើតេស្តសិស្សនៅដើមឆ្នាំ ដើម្បីបំប៉នសិស្សខ្សោយជាប្រចាំ

តាមការសម្រេចដោយក្រុមប្រឹក្សាសន្តិសុខ អង្គការសហប្រជាជាតិកងកម្លាំងប៉ូលីសកេនយ៉ាចំនួន ២00 នាក់បានត្រៀមខ្លួនរួចជាស្រេចដើម្បីដាក់ពង្រាយនៅក្នុងប្រទេសហៃទី ក្នុងការប៉ុនប៉ងដើម្បីបញ្ឈប់ការអុកឡុកនៃ ក្រុមក្មេងទំនើងតាមដងផ្លូវ ។

វ៉ាទីកង់ញូវបានរាយការណ៍ថា​ ចំនួនសំបុត្រសម្រាប់ចូលរួមនៅក្នុងកម្មវិធីថ្វាយអភិបូជារបស់សម្តេចប៉ាបហ្រ្វង់ស៊ីស្កូនៅក្នុងប្រទេសសិង្ហបុរីត្រូវបានប្រកាសថាមានត្រឹមតែ ៤ ម៉ឺនសន្លឹក ប៉ុណ្ណោះ ។

សម្តេចប៉ាបហ្រ្វង់ស៊ីស្កូបានចេញនូវក្រិត្យមួយ ដែលទ្រង់ចេញបទបញ្ជាឲ្យបុរីវ៉ាទីកង់រៀបចំកសាងរោងចក្រថាមពលអគ្គីសនីពីចំការបន្ទះសូ្របពន្លឺព្រះអាទិត្យ​។​

នៅមុនប្រារព្ធពិធីបុណ្យរំលឹកដល់សន្តសិលា និងសន្តប៉ូល នាពេលខាងមុខ សម្តេចប៉ាប ហ្វ្រង់ស៊ីស្កូ បានស្វាគមន៍ដល់ក្រុមស្រ្តីជាភរិយានិងជាម្តាយជនជាតិអ៊ុយក្រែនដែលបានមកដល់ទីក្រុងរ៉ូម ហើយបានរួមគ្នាអធិស្ឋាន ដើម្បីសន្តិភាពក្នុងប្រទេសនេះនឹងប្រទេសដែលកំពុងតែមានវិបត្តិ ។

អង្គការ សមាគម និង​សហជីពជាង៤០ ស្ថាប័ន បានស្នើ និង​អំពាវនាវឱ្យ​បញ្ឈប់ការធ្វើទុក្ខបុកម្នេញទៅលើអង្គការសង់ត្រាល់ ពាក់ព័ន្ធនឹងរបាយការណ៍រោងចក្រកាន់តែប្រសើរ និង​មិនយល់ស្របចំពោះការអំពាវនាវដល់ក្រសួងដែលពាក់ព័ន្ធ ឱ្យមានការស៊ើបអង្កេតទៅលើការផ្តល់ ជំនួយហិរញ្ញវត្ថុ និងដំណើរការសកម្មភាពការងាររបស់អង្គការ សង់ត្រាល់ឡើយ។

លោក ជុំ សុន្ទរី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានដឹកនាំគណៈប្រតិភូទៅបំពេញទស្សនកិច្ចការងារនៅប្រទេសគុយបា ពីថ្ងៃទី២៤ ដល់ថ្ងៃទី២៨ ខែមិថុនា ឆ្នាំ២០២៤ ដើម្បីស្វែងរកឱកាសពង្រីកកិច្ចសហប្រតិបត្តិការរវាងប្រទេសទាំងពីរ។​

ព្រឹទ្ធាចារ្យកោសល្យវោហារ គង់ ណៃ គឺជាសិល្បករចាប៉ីដងវែងដ៏ល្បីល្បាញមួយរូបរបស់កម្ពុជា បាន​ទទួលមរណភាពនាថ្ងៃទី​២៨ ខែមិថុនា ឆ្នាំ​២០២៤នេះ ក្នុងជន្មាយុ ៨០ឆ្នាំ (១៩៤៤-២០២៤) ​នៅគេហដ្ឋាននាស្រុកកំណើត ក្នុង​ខេត្តកំពត។