ពត៌មាន

លោកស្រី សុវណ្ណ វណ្ណរតន៍ រដ្ឋលេខាធិការប្រចាំការនៃក្រសួងការងារ និងបណ្តុះបណ្តាលវិជ្ជាជីវៈបានលើកឡើងថា ការគ្រប់គ្រងកាកសំណល់នៅតាមសហគ្រាស គ្រឹះស្ថាន គឺជាកិច្ចការមួយដែលក្រសួងការងារ បាននិងកំពុងយកចិត្តទុកដាក់ តាមរយៈយន្តការអធិការកិច្ចការងារ ដោយបានជំរុញដល់ម្ចាស់សហគ្រាស គ្រឹះស្ថាន ក្នុងការគ្រប់គ្រងកាកសំណល់គ្រោះថ្នាក់ និងកាកសំណល់ធម្មតាប្រកបដោយសុវត្ថិភាព និងមិនប៉ះពាល់ដល់បរិស្ថាន សំដៅធានាបាននូវសុវត្ថិភាព និងសុខភាពការងាររបស់កម្មករនិយោជិត។ ​

រដ្ឋបាលរាជធានីភ្នំពេញ ពុំអនុញ្ញាតឱ្យគណបក្ស កម្លាំងជាតិប្រើប្រាស់​ទីតាំងទីលានប្រជាធិបតេយ្យ ដើម្បីរៀបចំសមាជវិសាមញ្ញ នៅថ្ងៃទី​២៥ ខែសីហា ឆ្នាំ​២០២៥​ បានទេ ដោយមូលហេតុផ្អែកទៅតាមច្បាប់ស្តីពីការធ្វើបាតុកម្មដោយសន្តិវិធីទីលានប្រជាធិបតេយ្យ គឺជាទីកន្លែងសម្រាប់បញ្ចេញមតិ ជាសាធារណៈតែប៉ុណ្ណោះ ពុំមែនជាទីកន្លែងសម្រាប់គណបក្សនយោបាយណាមួយរៀបចំធ្វើសមាជនោះទេ។

លោក លី ធុជ ទេសរដ្ឋមន្ត្រី អនុប្រធានទី១ អាជ្ញាធរមីន នៅថ្ងៃទី១៥ ខែសីហា បានចូលរួមក្នុងយុទ្ធនាការអប់រំយល់ដឹងអំពីគ្រោះថ្នាក់ដោយសារមីន និងគ្រាប់មិនទាន់ផ្ទុះ ដែល​ប្រារព្ធធ្វើឡើងនៅឃុំស្រអែម ស្រុកជាំក្សាន្ត ខេត្តព្រះវិហារ ដែលជាស្រុកមានករណីគ្រោះថ្នាក់ច្រើនក្នុងឆ្នាំ២០២៤នេះ។

ក្រសួងការបរទេសអាមេរិកបាននិយាយថា សហរដ្ឋ​អាមេរិក​​​រំពឹង​ថា​កិច្ច​ចរចា​សន្តិភាព​តំបន់​ហ្គាហ្សា​នឹង​ឈាន​ទៅ​មុខ​តាម​ការ​គ្រោង​ទុក ហើយខ្លួនជឿថាកិច្ចព្រមព្រៀងបទឈប់បាញ់នៅតែអាចធ្វើទៅបាន ទោះបី​ជា​ក្រុមហាម៉ាសនៅ​មាន​មន្ទិល​អំពី​ការ​ចូលរួមក្នុងកិច្ចប្រជុំដែលកោះ​ហៅដោយអ្នកសម្រុះសម្រួលសម្រាប់ថ្ងៃព្រហស្បតិ៍នេះក៏ដោយ។

អង្គការកាតូលិកមួយចំនួនបានរួបរួមគ្នាចូលរួមនៅក្នុងដំណើរការរៀបចំ វេទិកាសន្តិភាពកាតូលិកនៅណាហ្គាសាគីប្រទេសជប៉ុនលើកដំបូង ដើម្បី​អំពាវនាវជាថ្មីឲ្យពិភពលោកគ្មាននុយក្លេអ៊ែរ ដោយពង្រឹងក្តីសង្ឃឹមដែរថា ហ៊ីរ៉ូស៊ីម៉ា និងណាហ្គាសាគីនៅតែជាទីក្រុងចុងក្រោយដែលទទួលរងការទម្លាក់គ្រាប់បែកបរមាណូ។

សម្តេចប៉ាបហ្រ្វង់ស៊ីស្កូបានមានបន្ទូលប្រាប់គ្រីស្តបរិស័ទកាលពីពេលថ្មីៗនេះថា ជំនឿនឹងមិនអាចរឹងមាំទេ ប្រសិនបើគ្រីស្តបរិស័ទចេះតែមានលេសនេះលេសនោះជាបន្តបន្ទាប់។

វ៉ាទីកង់ញូវបានរាយការណ៍ថា រថយន្តដឹកជំនួយរបស់សម្តេចប៉ាបហ្រ្វង់ស៊ីស្កូសម្រាប់ប្រជាពលរដ្ឋអ៊ុយក្រែន បានដឹកមកដល់ទីក្រុង ខាកូវ (Kharkov) ដែលជាតំបន់មួយក្នុងចំណោមតំបន់ដែលរងផលប៉ះពាល់ខ្លាំងបំផុតដោយការទម្លាក់គ្រាប់បែករបស់រុស្ស៊ី។

នាថ្ងៃទី​៩ ខែសីហា រដ្ឋមន្រ្តីក្រសួង​ព័ត៌មាន លោក នេត្រ ភក្ត្រា បានជួបសំណេះសំណាលជាមួយនឹង​សមាគមអ្នកនិពន្ធខ្មែរ ដែលដឹកនំាដោយលោក ជ័យ ចាប ប្រធានក្រុមប្រឹក្សាភិបាលសមាគមអ្នកនិពន្ធខ្មែរ ពិភាក្សាពីការ​ពង្រីក និងពង្រឹងវិស័យអក្សរសាស្ត្រជាតិសម្រាប់អ្នកសារព័ត៌មាន ក៏ដូចជាពលរដ្ឋកម្ពុជា។

​យោងតាមរបាយការណ៍របស់នាយកដ្ឋានតាវកាលិកសន្តិសុខសង្គម នៃបេឡាជាតិរបបសន្តិសុខសង្គម (ប.ស.ស.) បានបញ្ជាក់ឱ្យដឹងថា​ ​ចាប់ពីថ្ងៃទី១ ខែមករា ឆ្នាំ២០១៨ រហូតមកដល់បំណាច់ខែកក្កដា ឆ្នាំ២០២៤ កន្លងមកនេះ ទឹកប្រាក់ប្រមាណជាង ២០០ពាន់លានរៀល (ជិត៥០លានដុល្លារអាមេរិក) ត្រូវបានរាជរដ្ឋាភិបាលបើកផ្តល់ជូន ស្ត្រីឆ្លងទន្លេជាសមាជិក ប.ស.ស.។

តុលាការធម្មនុញ្ញរបស់ប្រទេសថៃ នៅរសៀលថ្ងៃពុធនេះ បានសម្រេចដកតំណែង លោក ស្រេថា ថាវីស៊ីន ដែលជានាយករដ្ឋមន្ត្រីចេញពីតំណែង ពីបទរំលោភរដ្ឋធម្មនុញ្ញ ជុំវិញការតែងតាំង គណៈរដ្ឋមន្ត្រីដែលធ្លាប់ជាប់ពាក់ព័ន្ធ ជាមួយនិងការប្រព្រឹត្តអំពើពុករលួយសូកប៉ាន់។

សម្តេចប៉ាបហ្រ្វង់ស៊ីស្កូកាលពីថ្ងៃទី១១ ខែសីហា ឆ្នាំ២០២៤ បានមានបន្ទូលរំលេចអំពីគ្រោះថ្នាក់នៃការទម្លាក់គ្រាប់បែកបរមាណូ កាលពីសង្រ្គាមលោកលើកទី២ ហើយក៏បន្តអំពាវនាវឱ្យមានសន្តិភាពនៅក្នុងប្រទេសដែលហែកហួរដោយសង្រ្គាម។

សម្តេច​ប៉ាប ហ្វ្រង់ស៊ីស្កូ បាន​ជួប​ប្រជុំ​កាលពី​ថ្ងៃ​ចន្ទ​ជាមួយ​មេដឹកនាំ​នៃ​ក្រុមបព្វជិតសាសនា ចំនួន ៤ ដែល​កំពុង​ធ្វើសកម្មភាពមនុស្សធម៌ផ្សេងៗនៅ​ទីក្រុង​រ៉ូម។

«សូមអត់ទោសឲ្យ​យើង​ខ្ញុំ៖ សូមឲ្យយើងមានសន្តិភាព» គឺជាប្រធានបទដែលត្រូវបានជ្រើសរើសដោយសម្តេចប៉ាបហ្វ្រង់ស៊ីស្កូសម្រាប់ "ទិវាសន្តិភាពពិភពលោក" ដែលធ្វើឡើងនៅថ្ងៃទី 1 ខែមករាឆ្នាំ ២០២៥។

លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីនៃសន្តអាសនៈបានថ្លែងនៅពេលអញ្ជើញធ្វើជាអធិបតីនៅក្នុងពិធីថ្វាយអភិបូជា ក្នុងតំបន់អាំប្រៀ( Umbria ) របស់ប្រទេសអ៊ីតាលីថា សង្រ្គាមគ្មានប្រយោជន៍សម្រាប់នរណាទាំងអស់។​

យោងតាមអភិបាលស្តីទីនៃតំបន់គូស្ក៍​ ប្រទេសរុស្ស៊ី បានឲ្យដឹងថា ទាហានអ៊ុយក្រែន បាន​គ្រប់គ្រង​​ទីប្រជុំជនចំនួន២៨ នៅក្នុងតំបន់នេះ។ តាមប្រភពដដែលនេះ មនុស្សជាង ១២​០០​០០​នាក់ ត្រូវបានជម្លៀស។ ប្រធានាធិបតីរុស្ស៊ី លោកវ្លាឌីមៀ ពូទីន ចោទប្រកាន់ទីក្រុងគៀវ ថាបានជ្រៀតចូល​ដោយប្រើ​កម្លាំងប្រដាប់អាវុធនៅក្នុងទំហំមិនធ្លាប់មានពីមុន និងចង់សាប​ព្រួស​ការបែកបាក់នៅ​ក្នុង​សង្គមរុស្ស៊ី។

យ៉ាងហោចណាស់ជនជាតិប៉ាឡេស្ទីន ១០០ នាក់ត្រូវបានសម្លាប់ដោយការវាយប្រហារតាមអាកាសរបស់អ៊ីស្រាអែលមកលើសាលារៀនមួយដែលជាជម្រកសម្រាប់ជនភៀសខ្លួននៅក្នុងទីក្រុងហ្គាហ្សា។

ប្រធានាធិបតីអ៊ុយក្រែនលោក វូឡូឌីមៀ ហ្សេឡេនស្គី បានទទួលស្គាល់ថា កងកម្លាំងអ៊ុយក្រែនកំពុងប្រយុទ្ធនៅក្នុងតំបន់ ឃឹស (Kursk ) របស់រុស្ស៊ី។

លោកអគ្គអភិបាល ណូអែល ត្រេណ័រ (Noël Treanor)ឯកអគ្គរាជទូតសន្តអាសនៈប្រចាំនៅសហភាពអឺរ៉ុប បានទទួលមរណភាពដោយសារគាំងបេះដូងនៅទីក្រុង ប៊ុ្រចសែល ក្នុងអាយុ ៧៣ ឆ្នាំ។

លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីសន្តអាសនៈបានជួបសន្ទនាតាមទូរស័ព្ទជាមួយ លោក ម៉ាស៊ូត ប៉េសេស្គៀន ( Masoud Pezeshkian) ប្រធានាធិបតីថ្មីនៃប្រទេសអ៊ីរ៉ង់ជាលើកដំបូងកាលពីព្រឹកថ្ងៃចន្ទទី ១២ ខែ សីហា ឆ្នាំ២០២៤។

តាមរបាយការណ៍របស់នាយកសាលាបឋមសិក្សាភូមិថ្មី បានបញ្ជាក់ថា សិស្សឈ្មោះ រ សវណ អាយុ១៣ឆ្នាំ ថ្នាក់ទី៦ បានប្រព្រឹត្តកំហុសចំនួន ៣លើកមកហើយនៅក្នុងថ្នាក់ ព្រោះតែខឹងលោកគ្រូដាក់កិច្ចការផ្ទះឲ្យធ្វើតែមិនធ្វើ និងខឹងបានពិន្ទុតិចពេលសរសេរតាមអាន។