នៅក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះ គឺព្រះយេស៊ូបង្រៀនប្រជាជននៅក្នុងធម្មសាលាដែលមានមនុស្សច្រើនចោមរោមស្តាប់ព្រះអង្គ។ នៅខណៈនោះយើងឃើញមានជនពិការម្នាក់ គាត់ឮថាព្រះយេស៊ូគង់នៅក្នុងផ្ទះនោះ និងគាត់ចង់ទទួលបានការព្យាបាលពីព្រះយេស៊ូ ប៉ុន្តែគាត់មិនអាចចូលបានដោយសារមនុស្សច្រើនពេក ក្រោយមកមានមនុស្សបួននាក់បានសែងមនុស្សខ្វិននេះឡើងទៅលើដំបូលផ្ទះរួចចោះដំបូលឱ្យគេចុះមកចំកន្លែងព្រះយេស៊ូគង់នៅ។ ហេតុនេះព្រះយេស៊ូមានព្រះបន្ទូលទៅគាត់ថា “កូនអើយខ្ញុំអត់ទោសឱ្យអ្នកបានរួចពីបាបហើយ”។
