នៅអំឡុងយប់ពីថ្ងៃទី៩ ឆ្លងចូលថ្ងៃទី១០ ខែកញ្ញា យ៉ាងហោចណាស់មានការរំលោភដែនអាកាសប៉ូឡូញចំនួន ១៩ដង ត្រូវបានកត់ត្រា និងដ្រូនរបស់រុស្ស៊ីចំនួន ៣ ត្រូវបានបាញ់ទម្លាក់។ ទីក្រុងវ៉ាសូវី និងសម្ព័ន្ធមិត្ត សមាជិកនៃសន្ធិសញ្ញាឆ្លងអាត្លង់ទិក អង្កការណាតូ បានបរិហារភ្លាមៗថាជាការបង្កហេតុរបស់រុស្ស៊ី បន្ទាប់ពីមានការជ្រៀតចូលនៃដ្រូន នៅអំឡុងការវាយប្រហារប្រឆាំងនឹងអ៊ុយក្រែន។
