សម្តេចប៉ាបឡេអូ សង្គ្រាមគឺជាការវាយប្រហារប្រឆាំងនឹងជីវិត និងសុខភាពសាធារណៈ

សម្តេចប៉ាបឡេអូទី១៤ បានថ្លែងទៅកាន់អ្នកចូលរួមនៅក្នុងសភាពេញអង្គនៃបណ្ឌិតសភាបព្វជិត-ជិតា ដោយទ្រង់បានគូសបញ្ជាក់ពីសារៈសំខាន់នៃការលើកកម្ពស់សុខភាពនៅលើពិភពលោកដែលពោរពេញដោយជម្លោះ។

សម្តេចប៉ាបឡេអូបានមានបន្ទូលកាលពីថ្ងៃទី ១៦ ខែកុម្ភៈថា នៅលើពិភពលោកដែលពោរពេញដោយជម្លោះ យើងត្រូវតែលះបង់ពេលវេលា និងធនធានដើម្បីលើកកម្ពស់ជីវិត និងសុខភាព  ហើយត្រូវតែដោះស្រាយវិសមភាពដោយពង្រឹងការយល់ដឹងរបស់យើងអំពីប្រយោជន៍រួម។

សម្តេចប៉ាបឡេអូបានមានបន្ទូលថាសព្វថ្ងៃនេះ យើងកំពុងប្រឈមមុខនឹងសង្គ្រាមដែលប៉ះពាល់ដល់រចនាសម្ព័ន្ធស៊ីវិល រួមទាំងមន្ទីរពេទ្យ ដែលជាការវាយប្រហារដ៏ធ្ងន់ធ្ងរបំផុតដែលដៃមនុស្សអាចធ្វើប្រឆាំងនឹងជីវិត និងសុខភាពសាធារណៈ​។

សម្តេចប៉ាបឡេអូបានមានបន្ទូលថា នៅលើពិភពលោកដែលមានរបួសដោយសារជម្លោះ ហើយកំពុងប្រើប្រាស់ធនធានសេដ្ឋកិច្ច បច្ចេកវិទ្យា និងស្ថាប័នយ៉ាងច្រើនក្នុងការផលិតអាវុធ និងឧបករណ៍យោធា ផ្សេងទៀត វាមិនសំខាន់ជាងការលះបង់ពេលវេលា មនុស្ស និងជំនាញក្នុងការការពារជីវិត និងសុខភាពនោះទេ៕