ពត៌មាន

លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីនៃសន្តអសនៈបានឲ្យដឹងថា កិច្ចព្រមព្រៀងនៅក្នុងការតែងតាំងលោកអភិបាលនៃព្រះសហគមន៍កាតូលិកនៅក្នុងប្រទេសចិននឹងអាចបន្ត ឡើងវិញនៅចុងឆ្នាំនេះ ។​

ក្រសួងយុត្តិធម៌ ​នឹងរៀបចំសន្និសីទសារព័ត៌មានពាក់ព័ន្ធ «ករណីឃាតកម្ម ប្រព្រឹត្តដោយជនល្មើសឈ្មោះ ស្រី ស៊ីណា» ដែលសន្និសីទសារព័ត៌មាននេះ នឹងប្រព្រឹត្តទៅនៅថ្ងៃពុធ ទី២៦ ខែមិថុនា ឆ្នាំ២០២៤ វេលាម៉ោង ១៥:០០ នាទីរសៀល នៅទីស្តីការក្រសួងយុត្តិធម៌។

នាយកដា្ឋនព័ត៌មាននៃ​ក្រសួងការបរទេស និងសហប្រតិបត្តិការអន្តរជាតិ បាន​ប្រកាស​ឱ្យដឹងនៅថ្ងៃទី​២៤ ខែមិថុនានេះថា ​តបតាមការអញ្ជើញរបស់លោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្តី្រការបរទេស និងសហប្រតិបត្តិការអន្តរជាតិ លោក ម៉ារីត សាងៀមផុង្ស រដ្ឋមន្ត្រីការបរទេសថៃ នឹងមកបំពេញទស្សនកិច្ចផ្លូវការនៅកម្ពុជា នៅថ្ងៃទី២៧ ខែមិថុនា ខាងមុខនេះ។

សាលាដំបូង និងអយ្យការអមសាលាដំបូងរាជធានីភ្នំពេញ នឹងចាត់វិធានការក្នុងការអនុវត្តច្បាប់ដោយម៉ឺងម៉ាត់ នៅក្នុងសំណុំរឿងនេះ ដើម្បីផ្ដល់យុត្តិធម៌ឱ្យបានត្រឹមត្រូវតាមច្បាប់នៃព្រះរាជាណាចក្រកម្ពុជា។ នេះបើយោងតាម​សេចក្តីប្រកាសព័ត៌មាន​ ស្តីពីការចោទប្រកាន់ និងចំណាត់ការនីតិវិធីលើសំណុំរឿងពាក់ព័ន្ធនឹង អំពើឃាតកម្ម ប្រព្រឹត្តដោយឈ្មោះ សី្រ ស៊ីណា។

ស្ថានទូតឥណ្ឌា និងកម្ពុជា រៀបចំទិវាយោគៈអន្តរជាតិ លើកទី១០

NOCC ប្រកាសរៀបចំទិវាអូឡាំពិក នាព្រឹកថ្ងៃអាទិត្យទី២៣ មិថុនា

អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានអំពាវនាវដល់អាជីវករដែលប្រកបអាជីវកម្ម លក់ផ្លែទុរេនទាំងអស់ ​កុំប្រើប្រាស់សារធាតុដែលមិនមានអត្តសញ្ញាណច្បាស់លាស់ និងសូមប្រកបអាជីវកម្មដោយស្មោះត្រង់ កុំបន្លំប្រភពនៃការដាំដុះ។​​

ក្រុមប្រឹក្សានាយក​នៃ​ធនាគារពិភពលោក នា​ថ្ងៃទី២០ ខែមិថុនា បាន​អនុម័ត​លើ​កញ្ចប់​ឥណទាន​តម្លៃ​ ២៧៥​ លានដុល្លារអាមេរិក សម្រាប់​ជួយ​ទ្រ​ទ្រង់​ដល់​កិច្ច​ខិត​ខំ​ប្រឹង​ប្រែង​របស់កម្ពុជា ក្នុងការ​​ជំរុញកំណើន និង​ភាព​ធន់​របស់​សេដ្ឋកិច្ច​ ក្នុង​រយៈពេល​វែងឆ្ងាយ​ទៅមុខ។

លោក អេដណាន់ ហេហ្សាម (Adnan Hezam )អ្នកនាំពាក្យគណៈកម្មាធិការអន្តរជាតិនៃកាកបាទក្រហម (ICRC) នៅស៊ូដង់បាននិយាយថា យើងអំពាវនាវឱ្យសហគមន៍អន្តរជាតិចងចាំប្រជាជនស៊ូដង់រាប់លាននាក់ដែលកំពុងរងនូវសោកនាដកម្មលើការតស៊ូប្រចាំថ្ងៃដើម្បីបំពេញតម្រូវការមូលដ្ឋានរបស់ពួកគេ" ។

នៅចុងបញ្ចប់នៃកម្មវិធីអប់រំជំនឿប្រចាំសប្តាហ៍ដែលតែងតែរៀបចំនៅថ្ងៃពុធ សម្តេចប៉ាប ហ្វ្រង់ស៊ីស្កូមិនភ្លេចរំលេចឡើងនូវ ខួបលើកទី ១០០ នៃការបង្កើតក្រុមប្រឹក្សាកាតូលិកនៅចិន ។

នៅក្នុងសារដែលទ្រង់ថ្លែងសម្រាប់ទិវាជនភៀសខ្លួនពិភពលោករបស់អង្គការសហប្រជាជាតិ ដែលបានប្រារព្ធនៅថ្ងៃទី ២០ ខែមិថុនា សម្តេចប៉ាប ហ្រ្វង់ស៊ីស្កូបានអំពាវនាវឱ្យមានការចាត់ចែងឱ្យកាន់តែប្រសើរឡើងសម្រាប់ជនភៀសខ្លួននានា។

ក្នុងជំនួបរវាងតារាកំប្លែង ជាមួយសម្ដេចប៉ាប លោក ខូណេន អូ ប្រាយអេន (Conan O'Brien) តារាកំប្លែងជនជាតិអាមេរិក បានប្រាប់វ៉ាទីកង់ញូវថា នៅក្នុងនាមលោកផ្ទាល់និងជាតារាកំប្លែងអាមេរិក ការជួបជាមួយនឹងអ្នកកំប្លែងជាទូទៅគឺគ្រោះថ្នាក់ខ្លាំងណាស់ ប៉ុន្តែនេះគឺជាឱកាសដ៏អស្ចារ្យដែលលោកបានជួបអ្នកបន្តវេនសន្តសិលា ។

ប្រធានាធិបតីរុស្ស៊ី លោកវ្លាឌីមៀ ពូទីន បានថ្លែងថា ប្រទេសកូរ៉េខាងជើង និងរុស្ស៊ី កាលពី ថ្ងៃ ពុធ ទី១៩ មិថុនា បានចុះហត្ថលេខាងលើកិច្ចព្រមព្រៀងដៃគូ​យុទ្ធ​សាស្រ្តសកល ដែលគ្រោង​ផ្តល់​ជំនួយទ្វេភាគី​ក្នុងករណីមានការឈ្លានពាន។ លោកវ្លាឌីមៀ ពូទីន ត្រូវបាន​ទទួល​ស្វាគមន៍​យ៉ាងកក់ក្តៅ នៅ​ទីក្រុងព្យុងយ៉ាង​សម្រាប់ដំណើរទស្សនកិច្ចផ្លូវរដ្ឋ។​ លោកបាន​ទទួល​ការ​​គាំទ្រដ៏ជឿជាក់​ពី​លោក​គីម ជុនអ៊ុន សម្រាប់សង្រ្គាមប្រឆាំង​នឹង​អ៊ុយក្រែន។

លោក លី ធុជ ប្រធានអនុសញ្ញាអូតាវ៉ាឆ្នាំ២០២៤ បានចូលរួមវេទិកាតុមូលសកលភាវូបនីយ​កម្មអនុសញ្ញា (Universalization Roundtable) ដែលប្រពឹត្តិទៅនៅនិវេសនដ្ឋានឯកអគ្គរា​ជទូតបែលហ្សិកប្រចាំទីក្រុងហ្សឺណែវ ដើម្បីធ្វើការពិភាក្សាអំពីលទ្ធភាពនៃការចូលរួមជារដ្ឋភាគីនៃអនុសញ្ញាអូតាវ៉ា។

​ការ​ត្រួតពិនិត្យ​ជាស​កល​តាមកាល​កំណត់​ (​យូ​ ​ភី​ ​អ​) ​គឺជា​យន្ត​ការ​មួយ​របស់​អង្គការ​សហ​ ​ប្រជាជាតិ​ (​អ​.​ស​.​ប​) ​ដើម្បី​ពិនិត្យមើល​ស្ថានភាព​សិទ្ធិមនុស្ស​ ​តាមរយៈ​រដ្ឋ​ដែល​ជា​សមាជិក​ ​ដទៃទៀត​ផ្តល់​ជា​ ​អនុសាសន៍​ដើម្បី​លើកស្ទួយ​សិទ្ធិមនុស្ស​ ​តាមរយៈ​ការ​វាយ​តម្លៃ​ពី​ស្ថានភាព​សិទ្ធិ​រួម​ទាំង​សិទ្ធិ​កុមារ​ ​ផង​ដែរ​។​

ប្រទេសមីយ៉ាន់ម៉ាត្រូវបានពិពណ៌នាថាជាកន្លែងហិង្សាបំផុតនៅក្នុងតំបន់ ដោយសារប្រទេសនេះប្រឈមមុខនឹងវិបត្តិសេដ្ឋកិច្ច និងមនុស្សធម៌ធ្ងន់ធ្ងរ ដោយសារតែជម្លោះដែលកំពុងបន្ត និងជម្លោះកន្លងមក ដែលធ្វើភាពក្រីក្រ និងការរឹតត្បិតសិទ្ធិកាន់តែអាក្រក់​។

លោក កាឌីណាល់ ម៉ាតេអូ ហ្សូបភី (Matteo Zuppi) ប្រធានក្រុមអន្តរសភាលោកអភិបាលនៃព្រះសហគមន៍កាតូលិកអ៊ីតាលី បានទៅបំពេញទស្សនៈកិច្ចនៅទីក្រុងបេក្លេហេម​ នៃតំបន់ហ្គាហ្សាកាលពីពេលថ្មីៗនេះ ។

វ៉ាទីកង់ញូវបានរាយការណ៍ថា អាជ្ញាធរគ្រប់គ្រង និងត្រួតពិនិត្យហិរញ្ញវត្ថុរបស់បុរីវ៉ាទីកង់ បានចេញផ្សាយរបាយការណ៍ប្រចាំឆ្នាំរបស់ខ្លួន ដោយបង្ហាញពីការបង្កើនការអនុលោមតាមស្តង់ដារអន្តរជាតិសម្រាប់ការប្រយុទ្ធប្រឆាំងនឹងការលាងលុយកខ្វក់ និងហិរញ្ញប្បទានភេរវកម្ម។

ថ្លែងទៅកាន់មេដឹកនាំពិភពលោកដែលបានប្រមូលផ្តុំគ្នាសម្រាប់សន្និសិទកម្រិតខ្ពស់ដើម្បីសន្តិភាពក្នុងប្រទេសអ៊ុយក្រែន មន្រ្តីកំពូលនៃបុរីវ៉ាទីកង់បានរំលឹកសារជាថ្មីអំពីសាររបស់សម្តេចប៉ាបហ្រ្វង់ស៊ីស្កូថា មធ្យោបាយតែមួយគត់ដែលអាចសម្រេចបានសន្តិភាពពិតប្រាកដ ស្ថិរភាព និងយុត្តិធម៌គឺការសន្ទនារវាងភាគីពាក់ព័ន្ធទាំងអស់។

កាលពីថ្ងៃអង្គារទី១៨ ខែមិថុនា អគ្គមេបញ្ជាការអន្តរយោធារបស់ទីក្រុងសេអ៊ូល បានប្រកាស ថា ទាហានកូរ៉េខាងជើងរាប់សិបនាក់​បានឆ្លងកាត់ព្រំដែនជាមួយកូរ៉េខាងត្បូង​ មុននឹងប្រយុទ្ធ ដកថយវិញ​ក្រោមការបាញ់បង្អាក់​របស់ទាហានកូរ៉េខាងត្បូង។