នៅក្នុងឱកាសចូលរួមកម្មវិធីនៃពិធីបុណ្យព្រះជាម្ចាស់លើកព្រះនាងម៉ារីឡើងស្ថានបរមសុខ (Assumption)សម្តេចប៉ាបឡេអូទី១៤ បានមានបន្ទូលថា សូមកុំអស់សង្ឃឹមដោយសារតែជម្លោះនិងសង្រ្គាមនានា។ នេះបើតាមវ៉ាទីកង់ញូវ។
សម្តេចប៉ាបឡេអូបានមានបន្ទូលថា សូមយកគំរូតាមព្រះនាងម៉ារី ពីព្រោះព្រះនាងជាប្រភពនៃក្តីសង្ឃឹម ហើយជានិមិត្តរូបដែលបន្តលើកទឹកចិត្តនិងជំរុញឲ្យ មនុស្សគ្រប់គ្នាជៀសវាងការបាត់បង់ក្តីសង្ឃឹមនៅកណ្តាលនៃអំពើហិង្សា។
បន្ទាប់ពីការអធិស្ឋាន សម្តេចប៉ាបឡេអូបានមានបន្ទូលពីវិមាន ហ្គានដូលហ្វូ (Castel Gandolfo) ថា ព្រះនាងម៉ារី តែងតែស៊ូទ្រាំនឹងអំពើអាក្រក់ដែលធ្វើទុក្ខដល់បុត្រារបស់ព្រះនាង ជាពិសេសកូនតូច និងអ្នកទន់ខ្សោយ។
នៅក្នុងស្មារតីនេះហើយ សម្តេចប៉ាបឡេអូបានពន្យល់ថា យើងត្រូវយល់ថា ព្រះនាងម៉ារីតែងតែ បង្ហាញពីភាពស្និទ្ធស្នាលរបស់នាងចំពោះអ្នកដែលខ្វះខាត តាមរយៈសារ និងការបង្ហាញខ្លួនរបស់ព្រះនាង នៅពេលយើងមានអារម្មណ៍សោកសៅ ហើយគិតថា គ្មានកម្លាំងប្រឈមមុខនឹងការរីករាលដាលនៃអំពើហិង្សាក្នុងពិភពលោក ប៉ុន្តែត្រូវចាំថា សេចក្តីសង្ឃឹមតែងតែជំនះរាល់ការលំបាកទាំងអស់នាពេលកន្លងមក៕
Daily Program
