សម្តេចប៉ាបហ្រ្វង់ស៊ីស្កូបានផ្ញើរសារថ្លែងអំណរគុណដល់ការលះបង់និងតស៊ូរបស់ក្រុមបងស្រី ដែលកំពុងតែធ្វើសកម្មភាពនិងយុទ្ធនាការប្រឆាំងនឹងការជូញដូរមនុស្សដែលបានបំពេញ ភារកកិច្ច និងបេសកកម្មអស់រយៈពេល១៥ ឆ្នាំ។
តាមរយៈសារដែលបានផ្ញើរចេញ ទៅកាន់ក្រុមដូចជី តាលីថា គុំ (Talitha Kum) ដែលជាក្រុមបងស្រីកំពុងតែធ្វើយុទ្ធនាការប្រឆាំងនឹងការជួញដូរមនុស្សសម្តេចប៉ាបនៅបន្តជំរុញឱ្យបណ្តាញប្រឆាំងការជួញដូរបន្ត «ឈរក្បែរជនរងគ្រោះ ស្តាប់ពួកគេ ជួយពួកគេឱ្យក្រោកឈរឡើងវិញនៅក្នុងសង្គម»។
សម្តេចប៉ាបបានវាយតម្លៃខ្ពស់ចំពោះក្រុមបងស្រីដែលបានខិតខំបំពេញការងារអស់រយៈពេល ១៥ ឆ្នាំ ហើយបច្ចុប្បន្នកំពុងតែ រៀបចំមហាសន្និបាតរបស់ខ្លួននៅខាងក្រៅទីក្រុងរ៉ូម។
សម្តេចប៉ាបបានវាយតម្លៃខ្ពស់ចំពោះសមិទ្ធផលការងារនៅក្នុងរយៈពេល ១៥ឆ្នាំនៃការតស៊ូប្រឆាំងការជួញដូរមនុស្សរបស់ក្រុមដូនជី ដែលបានធ្វើសកម្មភាណនៅក្នុងប្រទេសដល់ទៅ ៩០ នៅលើពិភពលោកចាប់តាំងពីបង្កើតឡើងនៅក្នុងឆ្នាំ ២០០៩។
សម្តេចប៉ាបបានមានប្រសាសន៍ថាយើងត្រូវបន្តដើរលើផ្លូវនៃអ្វីដែលអ្នកនៅតាលីថាគុមតែងតែធ្វើ។
ទ្រង់បានបន្ថែមថា ៖ «មិនមែនជាកិច្ចការងាយស្រួលទេ ប៉ុន្តែក្នុងអំឡុងពេល ១៥ ឆ្នាំកន្លងមកនេះ ក្រុមដូនជីបានបង្ហាញយើងនៅគ្រប់កម្រិតថា វាអាចធ្វើទៅបាន»។
សម្តេចប៉ាបបានសង្កត់ធ្ងន់ថា ការជួញដូរមនុស្សគឺជាអំពើអាក្រក់ជាប្រព័ន្ធ ដែលទាមទារឱ្យមានវិធីសាស្រ្តជាប្រព័ន្ធ និងពហុកម្រិត។
សម្តេចប៉ាបបានសង្កេតឃើញថា ការជួញដូរត្រូវបានជំរុញដោយជម្លោះ ការប្រែប្រួលអាកាសធាតុ និងវិសមភាពសេដ្ឋកិច្ចសង្គម ហើយជាពិសេសប៉ះពាល់ដល់ជនចំណាកស្រុក និងស្ត្រី ហើយកិច្ចការនេះគឺទាមទារយុទ្ធសាស្ត្រប្រឆាំងឧក្រិដ្ឋកម្មដែលមានភាពរស់រវើកដើម្បីឆ្លើយតបនឹងការ វិវត្តឥតឈប់ឈររបស់ក្រុមឧក្រិដ្ឋជន៕
Daily Program
