កាលពីម្សិលមិញនេះ ទីក្រុងហុងកុង ត្រូវបានព្យុះទីហ្វុងដ៏កំណាចមួយទន្ទ្រានយ៉ាងខ្លាំង ដែលមានល្បឿន ២៨០ទៅ២៩០គីឡូមែត្រក្នុងមួយម៉ោង។ ព្យុះដែលមានកម្លាំងខ្លាំងនេះ បានធ្វើឲ្យទីក្រុងហុងកុង ដែលស្ថិតនៅតាមបណ្ដោយសមុទ្រចិន រងសោកនាដកម្មយ៉ាងខ្លាំង។
កាលពីថ្ងៃចន្ទ ព្យុះនេះនៅចំងាយប្រមាណ១០០០គីឡូម៉ែត្រនៃភាគអាគ្នេយ៍នៃទីក្រុងនេះ អាជ្ញាធរបានប្រកាសអាសន្នចំពោះគ្រោះថ្នាក់ដែលនឹងអាចកើតមាន ហើយឲ្យប្រជាជនប្រុងប្រយ័ត្នខ្ពស់ និងស្នាក់នៅក្នុងផ្ទះរបស់ពួកគេ រហូតដល់ថ្ងៃព្រហស្បតិ៍ ដែលគេរំពឹងថា ស្ថានភាពនឹងវិលមករកភាពដើមវិញ។ ហាងនិងអាជីវកម្មជាច្រើនបានបិទទ្វារមិនដំណើរការ។
នៅឯកោះតៃវ៉ាន់ឯណោះវិញ អាជ្ញាធរបានរាយការណ៍ថា មានមនុស្ស១៤នាក់បានបាត់បង់ជីវិតដោយសារឥទ្ធិពលនៃព្យុះកំណាចមួយនេះ៕
Daily Program
