សហព័ន្ធអន្តរសភាលោកអភិបាលព្រះសហគមន៍កាតូលិកអាស៊ី (FABC) បានសង្កត់ធ្ងន់លើតួនាទីដ៏សំខាន់នៃការលើកកម្ពស់ស្មារតីនៃកិច្ចប្រជុំ ដើម្បីដោះស្រាយបញ្ហាអំពើពុករលួយ និងបព្វជិតនិយមនៅអាស៊ី។
នៅក្នុងសន្និសីទសារព័ត៌មានមួយក្នុងអំឡុងពេលបើកកិច្ចប្រជុំពេញអង្គលើកទី១២ របស់ FABC នៅទីក្រុងហ្សាកាតា ប្រទេសឥណ្ឌូនេស៊ី នៅថ្ងៃទី២០ ខែកក្កដា លោកអភិបាលនៃព្រះសហគមន៍អាស៊ីបានសន្យាថានឹងឆ្លុះបញ្ចាំង និងស្វែងយល់បន្ថែមទៀតអំពីបញ្ហាដ៏រីករាលដាលទាំងនេះនៅក្នុងប្រទេសអាស៊ីជាច្រើននាពេលបច្ចុប្បន្ន។
លោកកាឌីណាល់ បាប្លូ វីជីលីអូ ដេវីដ (Pablo Virgilio David) អនុប្រធាន FABC និងជាប្រធានគណៈកម្មការនៃកិច្ចប្រជុំ បានមានប្រសាសន៍ថា ការទទួលខុសត្រូវរួមគ្នាក្នុងបេសកកម្មនឹងតម្រង់ទិសអ្នកបម្រើដែលបានតែងតាំងឡើងវិញ ដើម្បីទទួលស្គាល់អំណោយទានជាច្រើនទៀតនៃព្រះវិញ្ញាណបរិសុទ្ធ ដែលបានប្រទានជាពិសេសដល់គ្រហស្ថ និងអ្នកកាន់សាសនាផងដែរ គឺចាំបាច់ត្រូវពិនិត្យលើបញ្ហាពុករលួយ និងបព្វជិតនិយម។
លោកកាឌីណាល់បានសង្កត់ធ្ងន់បន្ថែមទៀតថា បូជាចារ្យមិនមែនជាគ្រីស្តបរិស័ទជាន់ខ្ពស់ជាងគ្រីស្តបរិស័ទធម្មតាទេ លោកគ្រាន់តែមានសេចក្តីថ្លៃថ្នូរដែលកំណត់ដោយតួនាទីប៉ុណ្ណោះ។
ដោយឡែក លោកកាឌីណាល់ ហ្វីលីប ណឺរី ហ្វឺរ៉ាវ (Filipe Neri Ferrão) ប្រធាន FABC បានចែករំលែកថា ការបង្កើតផែនការគ្រូអប់រំជំនឿ ជាการឧទ្ទិសដល់ការលើកកម្ពស់ការរួបរួម និងការកសាងរចនាសម្ព័ន្ធចូលរួមដោយផ្អែកលើអគ្គសញ្ញា។
Daily Program
