ថ្ងៃទី៣០ ខែតុលា ឆ្នាំ២០២៥ អត្ថបទគម្ពីរ (លូកា ១៣,៣១-៣៥)អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល

បងប្អូនជាទីស្រឡាញ់ ថ្ងៃនេះគេចង់ឲ្យព្រះយេស៊ូឈប់ប្រកាសអំពីព្រះរាជ្យរបស់​ព្រះ​ជា​ម្ចា​ស់!  គេដឹងថា​​ស្តេច​ហេរ៉ូឌចង់សម្លាប់ព្រះអង្គ  ប៉ុន្ត! ព្រះយេស៊ូមិនព្រមធ្វើតាមគេ ទ្រង់មានចិត្តក្លាហាន ​នឹង​ចង់​ធ្វើ​តាម ព្រះ​ហឫទ័យរបស់ព្រះជាម្ចាស់ ទោះបីព្រះហឫទ័យរបស់ព្រះអង្គនាំឲ្យគាត់វិនាសអន្តរាយ ជួប​ទុក្ខ​លំបាក​យ៉ា​ង​ណាក៏ដោយ ។

ប្រហែលជាមេរៀនទីមួយនៅក្នុងអត្ថបទដំណឹងល្អ គឺឲ្យយើងមានចិត្តក្លាហានធ្វើតាមព្រះហឫ​ទ័យរ​បស់​ព្រះ​ជាម្ចាស់ ទោះបីព្រះហឫទ័យនេះអាចនាំឲ្យយើងមានបញ្ហាខ្លះៗក៏ដោយ តែឲ្យយើងមាន ចិត្ត​ស្មោះ​ត្រង់ ឲ្យយើងចេះរកយុត្តិធម៌នៅក្នុងសង្គម ឲ្យយើងនិយាយការពិត ឲ្យយើងធ្វើតាមគេ តាមសង្គម តាម​លោ​កិ​យ៍ និងមានចិត្តក្លាហាន។

ទីពីរ ព្រះយេស៊ូរំលឹកថា ព្រះជាម្ចាស់ដូចជាមេមាន់ ដែលចង់ប្រមូលកូនមាន់ កូនៗ មេមាន់...មានន័យថា ជាម្តាយម្នាក់ដែលស្រឡាញ់យើង​ មិនចង់ឲ្យយើង​វិនាស​អន្ត​រាយ។  ព្រះ​យេ​ស៊ូចង់​ធ្វើតាម​ព្រះហ​ឫទ័យ​ព្រះជាម្ចាស់ ព្រោះព្រះយេស៊ូយល់អំពីសេចក្តី​ស្រ​ឡាញ់​​របស់​ព្រះ​ជា​ម្ចាស់​។ ដូច្នេះ ប្រសិន​ជាយើង​ធ្វើ​តាម​ព្រះ​ជាម្ចាស់ យើងយល់ច្បាស់ថាព្រះជាម្ចាស់ជានរណា។ ព្រះជា​ម្ចាស់​ដូច​ជា​ម្តាយដែលស្រឡាញ់កូន ដែល​​ធ្វើគ្រប់បែបយ៉ាងដើម្បីកូនជាទីស្រឡាញ់ ទទួលបាន​ការ​សង្គ្រោះ​។ ដូច្នេះ សូមឲ្យយើងយល់អំពី សេចក្តីស្រឡាញ់របស់ព្រះជាម្ចាស់ ដើម្បីធ្វើតាម​ព្រះ​ហឫ​ទ័យ​នេះ​។

បើសិនជាយើងយល់ថាព្រះជាម្ចាស់ជាសេចក្តីស្រឡាញ់ ស្រឡាញ់ខ្ញុំពិតប្រាកដមែន យើង​នឹង​ធ្វើ​តាម​ព្រះ​ហឫទ័យ។ ទោះបីព្រះហឫទ័យនេះនាំឱ្យយើងមានបញ្ហា ទីបញ្ចប់យើងនឹងដឹងថា ព្រះជា​ម្ចាស់​បាន​ប្រោស​ព្រះ​យេស៊ូឱ្យមានព្រះជន្មរស់ឡើងវិញ ពីព្រោះព្រះយេស៊ូបានធ្វើតាម​ព្រះហឫទ័យ​របស់​ព្រះជា​ម្ចាស់​។ ហេតុ​នេះបើយើងចង់បានជីវិត ហើយ​ជីវិតដ៏ពេញលក្ខណៈ​សុំឱ្យយើង​ធ្វើតាម​ព្រះហឫទ័យ​របស់​ព្រះ​ជា​ម្ចាស់​ទោះបីអ្នកខ្លះមិនចង់ឱ្យយើងធ្វើតាម។ អាម៉ែន៕