ថ្ងៃទី៣០ ខែកក្កដា ឆ្នាំ២០២៥ អត្ថបទគម្ពីរ ម៉ាថាយ (១៣,៤៤-៤៦)អត្ថាធិប្បាយគម្ពីរដោយ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរពរាប់អាន! ក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះតាមម៉ាថាយ (១៣,៤៤​-៤៦)​ ព្រះយេស៊ូមានព្រះបន្ទូលជាពាក្យប្រស្នាអំពីកំណប់ និងពេជ្រដ៏មានតម្លៃ។ ពាក្យប្រស្នា​ទាំង​ពី​របង្ហាញ​អំពី​តម្លៃ​ដ៏ខ្ពស់ខ្ពង់នៃព្រះរាជ្យនៃស្ថានបរមសុខ។ ​ពាក្យប្រស្នាទីមួយមានបុរសម្នាក់រកកំណប់​ដែល​គេ​កប់​ទុក​នៅ​ក្នុងស្រែមួយ ពេលគាត់រកឃើញហើយ គាត់ក៏លក់ទ្រព្យសម្បត្តិទាំ​ងប៉ុន្មាន​ដែលគាត់​មាន​មកទិ​ញ​កំណប់​នោះ។ ពាក្យប្រស្នាទីពីរនិទានអំពីអ្នកជំនួញម្នា​ក់ដែលបានឃើញពេជ្រមួយ​គ្រាប់ដ៏មាន​តម្លៃ​លើស​លប់ ហើយគាត់ក៏ទៅលក់អ្វីៗទាំងប៉ុន្មានដែលគាត់មានយកប្រាក់មកទិញពេជ្រនោះ។

ពាក្យ​ប្រស្នាទាំងពីរពន្យល់សេចក្តីថា៖ “ព្រះរាជ្យនៃស្ថានបរមសុខមានតម្លៃលើសអ្វីៗ​ទាំង​អស់​!” កំណប់​​​ដែល​​គេកប់​នៅក្នុងស្រែ និងអ្នកជំនួញគឺជានិមិត្តសញ្ញានៃព្រះរាជ្យនៃស្ថានបរមសុខ អំណរ​​សប្បាយ​របស់​បុរស និងអ្នកជំនួញដែលបានរកឃើញកំណប់នោះនាំឱ្យគេលះបង់អ្វីៗទាំងអស់ ដើម្បីមានបទពិសោធន៍​នៃ​​ស្ថាន​បរមសុខ។​ ក្នុងជីវិតរស់នៅសព្វថ្ងៃនេះ​ និងចូល​ក្នុង​ព្រះរាជ្យ​នៃស្ថាន​បរម​សុខ​ថ្ងៃណាមួយ។ ព្រះយេស៊ូ​មានព្រះបន្ទូលថា៖ “ចូរស្វែងរកព្រះរាជ្យរបស់ព្រះអម្ចាស់ និងសេចក្តីសុច្ចរិត របស់ព្រះអង្គជា​មុន​សិន ទើបព្រះអង្គប្រទានរបស់ទាំងនោះមកថែមទៀត ដ្បិតព្រះបិតាជ្រាបនៅអ្វីដែល អ្នកត្រូវការ”។

សូមអត្ថបទនេះជួយពួកយើងប្រឹងប្រែងមានសមត្ថភាពស្វែងរកព្រះរាជ្យរបស់ព្រះជាម្ចាស់លើអ្វីៗទាំងអស់សូមអត្ថបទនេះជួយណែនាំពួកយើងជ្រើសរើសអ្វីៗ ដែលនាំយើងឱ្យស្វែងរកព្រះរាជ្យរបស់ព្រះជាអម្ចាស់​នៅក្នុ​ងជីវិត​នៃការ​រស់នៅ​សព្វថ្ងៃនេះ។ សូមព្រះជាម្ចាស់ប្រទានពរយើង៕