ថ្ងៃទី២៣ ខែកុម្ភៈ ឆ្នាំ២០២៥ អត្ថបទគម្ពីរ (លូកា ៦,២៧-៣៨)អត្ថាធិប្បាយគម្ពីរដោយ៖ លោកបូជាចារ្យ ប្រាក់ ប៊ុនហុង

ឱ្យយើងលើកលែងទោសដល់ខ្មាំងសត្រូវរបស់យើងគឺសំដៅដល់អ្នកដែលស្អប់យើង ជេប្រទេច មូលបង្កាច់ ទះកំផ្លៀងយើង លួចឬយកទ្រព្យសម្បត្តិរបស់យើង អ្នកដែលតែងតែសុំអ្វីពីយើងជារៀងរាល់ថ្ងៃ អ្នកដែល តែងតែរំខានយើង អ្នកដែលប្រព្រឹត្តមិនល្អចំពោះយើង។

បងប្អូនជាទីស្រឡាញ់! ជាធម្មតាតាយើងពិបាក​លើក​លែងទោសឱ្យគេណាស់នៅពេលគេធើ្វមិនល្អដាក់​យើង តែព្រះយេស៊ូសុំឱ្យយើងលើកលែងទោសដល់អ្នកទាំងនោះ។ ដូច្នេះតើឲ្យយើងលើកលែង​ទោស​ឱ្យ​គេ​​យ៉ាង​ម៉េច? តាមជំនឿ​របស់គ្រីស្តសាសនាយើងជឿថា​មនុស្សទាំង​អស់នៅលើផែន​ដីនេះមានឋានៈជា​បុត្រ​ធីតា​របស់ព្រះជាម្ចាស់​ដូចៗគ្នា។ ព្រះជាម្ចាស់ក៏ប្រទានពរដល់អ្នកដែលប្រព្រឹត្តអំពើល្អ ហើយព្រះអង្គ​ក៏ប្រទានពរដល់អ្នក​ដែល​ប្រព្រឹត្តអំពើមិនល្អដែរ ដោយសារពួកគេក៏ជាបុត្រធីតារបស់ព្រះជាម្ចាស់។

ដូច្នេះដើម្បីលើកលែងទោសឱ្យគេបានទីមួយ​គឺ៖ ព្រះជាម្ចាស់បានត្រាស់ហៅ​យើងឱ្យធ្វើជា“ស្ពាន”ជា​ស្ពាន​​ដែល​នាំ​មនុស្សទាំងអស់ស្គាល់ព្រះជាម្ចាស់។ ព្រះអង្គត្រាស់ហៅយើងឱ្យបង្កើតសុខសន្តិភាពឱ្យយើង​កសាងព្រះរាជ្យរបស់ព្រះជាម្ចាស់នៅលើផែនដី យើងធ្វើ​ជាសាក្សីរបស់ព្រះអង្គដោយលើក​លែងទោស​ឱ្យ​គេ។ ពេល​លើកលែងទោសឱ្យគេ គឺត្រូវជូនពរគេ អធិដ្ឋានដល់គេ មិនត្រូវតបស្នងទង្វើដែលមិនគប្បី ដែល បានគេមិនល្អធ្វើមកលើយើងឡើយ ន័យសាមញ្ញាថា បើអាក្រក់មក នោះអាក្រក់ទៅវិញ។

ដូច្នេះជាថ្មីម្តងទៀតជាធម្មជាតិយើងមិនអាចលើកលែងទោសឱ្យខ្មាំងសត្រូវរបស់យើងបានទេ ប៉ុន្តែ​ឱ្យ​យើង​​គិតទៅលើជំនឿរបស់យើង ដែលជាគ្រីស្តបរិស័ទឱ្យយើង​ដឹងថាព្រះអង្គក៏ស្រឡាញ់​អ្នក​​ដែល​ជា ខ្មាំង សត្រូវរបស់ព្រះអង្គ។ ហេតុនេះ យើងទូលអង្វរព្រះជាម្ចាស់សូម​ព្រះអង្គប្រទាន​កម្លាំង​ឱ្យយើង​ឱ្យយើងអាច លើកលែងទោសដល់អ្នកដែលជាខ្លាំងសត្រូវរបស់យើង។ អាម៉ែន៕