ថ្ងៃទី២២ ខែឧសភា ឆ្នាំ២០២៥អត្ថបទគម្ពីរ (យ៉ូហាន ១៥,៩-១១)អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល

បងប្អូនជាទីស្រឡាញ់! ព្រះយេស៊ូកំពុងតែជប់លៀងជាមួយក្រុមគ្រីស្តទូត ហើយព្រះអង្គដាស់​តឿន​ពួក​គេ​ឱ្យ​ស្ថិតនៅក្នុងសេចក្តីស្រឡាញ់ជានិច្ច និងជារៀងរហូតដើម្បីឱ្យមានអំណរសប្បាយ។ ​សម្រាប់យើ​ងឱ្យ​យើង​​ស្រឡាញ់ព្រះយេស៊ូរហូត ហើយកាន់តែខ្លាំងឡើងៗ​ដើម្បីបានអំណរសប្បាយ។

សេក្តីស្រឡាញ់មិនមែនមានន័យថា ខ្ញុំមានអារម្មណ៍ល្អដូច្នេះខ្ញុំស្រឡាញ់ព្រះយេស៊ូទេ! សេចក្តីស្រឡាញ់​មានន័យថា ពេលយើងមានចិត្តស្រឡាញ់យើងនឹង​ប្រព្រឹត្តកិច្ចការពិតប្រាកដមួយដែលចេញពីក្តីស្រឡាញ់ ទោះ​បីខ្ញុំគ្មានអារម្មណ៍ តែខ្ញុំនឹងព្យា​យាម​ធ្វើតាមព្រះហឫទ័យរបស់ព្រះជាម្ចាស់!។

ពេលខ្លះយើងមានអារម្មណ៍ថា​ព្រះជាម្ចាស់​ឃ្លាត​ឆ្ងាយ​ពីយើង ជាពិសេសពេលយើងមាន​បញ្ហាផ្សេងនៅ​ក្នុង​ជីវិត! អារម្មណ៍ និងចិត្តបែបនោះពេលខ្លះសួរខ្លួនឯងថា តើ​ព្រះជា​​ម្ចាស់មិនអើតពើនិងបញ្ហាខ្ញុំទេឬ ឬគិត​ថា​ជំ​នឿនេះឥតប្រយោជន៍ទេមើល៍ទៅ។

ផ្ទុយទៅវិញ​បើយើងស្រឡាញ់ព្រះយេស៊ូពិតប្រាកដយើងនឹង​ព្យា​យាម​ប្រព្រឹត្តកិច្ចការ ​គឺកិច្ច​ការនៃសេចក្តី​ស្រឡាញ់ជាពិសេសចំពោះព្រះជាម្ចាស់ដោយអធិដ្ឋានមិន​សម្រាប់​តែខ្លួនឯង តែ​សម្រាប់​អ្នក​ដ​ទៃ​ដែរ គឺ​ប្រព្រឹត្តកិច្ចការនៃធម៌មេត្តាកុរណាចំពោះអ្នកដទៃ នោះ​យើង​ស្ថិ​ត​នៅ​ក្នុង​សេចក្តីស្រឡាញ់​របស់ព្រះ​យេស៊ូ​យ៉ាងពិតប្រាកដ។ អាមែន៕