ថ្ងៃទី០៣ ខែមីនា ឆ្នាំ២០២៥អត្ថបទគម្ពីរ ម៉ាកុស (១០,១៧-២៧) អត្ថាធិប្បាយគម្ពីរដោយ៖ លោកបូជាចារ្យ វី សំណាង

ព្រះគម្ពីរដំណឹងល្អតាមសន្តម៉ាកុស(១០,១៧-២៧) បានឱ្យយើងឃើញ​បុរសម្នាក់​បាន​មករក​ព្រះ​យេ​ស៊ូ ហើយសុំឱ្យព្រះអង្គបង្ហាញផ្លូវឱ្យគាត់ តើត្រូវធ្វើដូចម្តេចដើម្បីទទួលបានជីវិត​អស់កល្បជានិច្ច​ទុក​ជា​មរ​តក​។ ព្រះយេស៊ូបានសួរគាត់ តើគាត់បានធ្វើតាមវិន័យយ៉ាងភ្ជាប់ផ្ជួនឬអត់? គាត់ឆ្លើយថា គាត់បាន​ប្រកាន់​ភ្ជាប់​នូវធម្មវិន័យរបស់ព្រះជាម្ចាស់ឥតខ្វះចន្លោះទេ ព្រះយេស៊ូប្រាប់ថាល្អណាស់ ប៉ុន្តែវិន័យតែ​មួយ​គាត់​​ដែល​គាត់មិនទាន់បានបំពេញគឺត្រូវទៅវិញលក់ទ្រព្យសម្បត្តិរបស់ខ្លួន ហើយដើរតាមព្រះអង្គ។

យើង​ឃើញភ្លាមៗនោះបុរសនោះអាក់អន់ស្រពន់ចិត្ត ទឹកមុខក៏ស្រពោន ដោយសារគាត់មានទ្រព្យ​សម្បត្តិ​ច្រើន​គាត់​មិនអាចធ្វើរឿងនឹងបាន នេះជាអ្វីមួយដែលព្រះយេស៊ូ​និយាយពី​ទ្រព្យសម្បត្តិ​ព្រះអង្គ​បន្ត​ប្រាប់ថា អ្នកមានពិបាកចូលនៅក្នុងព្រះរាជ្យនៃស្ថានបរមសុខ ជាងសត្វអូដ្ឋចូលនៅក្នុងប្រហោងម្ជុល។ អ្នកមា​ន​នៅទីនេះព្រះយេស៊ូមិនមែនសំដៅទៅលើទ្រព្យសម្បត្តិ ឬធនធានលុយកាក់តែប៉ុណ្ណឹង ព្រះ​អង្គ​ចង់​និយាយ​ពីអ្វីដែលយើងជាប់ជំពាក់ទៅលើវា សូម​ឱ្យយើងចេះប្រលែងចោល ដើម្បីឱ្យយើងអាចដើ​រតាម​ព្រះយេស៊ូ​ធ្វើ​ជា​សាវ័ក​របស់ព្រះអង្គ។

នៅក្នុងជីវិតរបស់យើងពេល​ខ្លះយើង​មាន​សំពាយជីវិត គឺយើងស្ពាយជាប់និងខ្លួនរបស់​យើង​មិន​មែន​ជា​ទ្រព្យសម្បត្តិ ប៉ុន្តែជាចិត្តលោភលន់អាច​ជាកំ​ហឹងអាចជាចិត្តចង្អៀតចង្អល់របស់យើង ឬជាអ្វីមួយដែល​ណែ​នាំឱ្យយើងផុងខ្លួនមិនអាចចូល​នៅក្នុង​ព្រះរាជ្យ​របស់​ព្រះជាម្ចាស់បាន។

ដូច្នេះព្រះយេស៊ូចង់ឱ្យយើងទម្លាក់វាចោល ដើម្បីឱ្យខ្លួនយើងស្រាលដើម្បី​ឱ្យ​យើង​អាច​ដើរតាម​ព្រះយេ​ស៊ូ​អាមែន៕