ថ្ងៃទី៣១ ខែកក្កដា ឆ្នាំ២០២៥អត្ថបទគម្ពីរ (ម៉ាថាយ ១៣,៤៧-៥៣)អត្ថាធិប្បាយគម្ពីរ លោកបូជាចារ្យ ហ្រ្វង់ស័រ អេមេល្សដាល
ជម្រាបសួរបងប្អូន! ថ្ងៃនេះ គឺជាថ្ងៃបុណ្យសន្តអ៊ីញ៉ាស់នៅ ឡូយ៉ូឡាជាអ្នកបង្កើតក្រុមជេស្វីតសហជីវិនព្រះយេស៊ូដែលនៅស្រុកខ្មែរដែលមានលោកអភិបាលគីគេជាសមាជិក និងលោកឪពុកជាច្រើនទៀតជាពិសេសនៅភូមិភាគបាត់ដំបង។
ក្រុមជេស្វីតមានសន្តអ៊ីញ៉ាស់ជាអ្នកបង្កើត បងប្អូនស្គាល់ជីវិតរបស់សន្តអ៊ីញ៉ាស់គាត់ជាអតីតមេទ័ព ត្រូវរបួសពេលធើ្វសង្គ្រាម ក្រោយមកគាត់ត្រូវសម្រាកជាច្រើនខែនៅផ្ទះដើម្បីទទួលការព្យាបាល អំឡុងពេលសម្រាកគាត់បានអានសៀវភៅដែលទាក់ទងនឹងសន្តសន្តី ក្រោយមកគាត់ក៏យកសន្តសន្តីបុគ្គលទាំងនោះដូចជាវីរៈបុរស តាមព្រះហឫទ័យរបស់ព្រះជាម្ចាស់។
ទោះបីមានការលំបាកជាច្រើន តែគាត់យល់ថាប្រហែលព្រះជាម្ចាស់ត្រាស់ហៅគាត់ឱ្យទៅជាសន្តបុគ្គល ទៅជាវីរៈបុរសរបស់ព្រះជាម្ចាស់ រួចគាត់ក៏ចាប់ផ្តើមកែប្រេចិត្តគំនិត។
ដូច្នេះប្រហែលថ្ងៃនេះជាឱកាសឲ្យយើងចំណាយពេលវេលារិះគិតពិចារណាអំពីអារម្មណ៍ផ្សេងៗ ដែលយើងមានជារៀងរាល់ថ្ងៃ ដើម្បីពិចារណាពីព្រះហឫទ័យរបស់ព្រះជាម្ចាស់ នឹងធ្វើតាមព្រះហឫទ័យនេះ បានជាសន្តសន្តីបុគ្គល ដើម្បីបានជាវីរៈបុរសវីរៈនារីរបស់ព្រះជាម្ចាស់ពិតប្រាកដមែន។ អាម៉ែន៕
Daily Program
