ថ្ងៃទី៣០ ខែកញ្ញា ឆ្នាំ២០២៥ អត្ថបទគម្ពីរ (លូកា ៩,៥១-៥៦)អត្ថាធិប្បាយគម្ពីរដោយ៖ លោកបូជាចារ្យ រឿង ឆ័ត្រសិរី

បងប្អូនជាទីស្រឡាញ់! នៅថ្ងៃនេះយើងស្ដាប់ព្រះបន្ទូលរបស់ព្រះយេស៊ូដែលកំពុងតែប្រកាសដំណឹងល្អ ហើយ​ក៏បានឃើញក្រុមការងារមួយមិនស្វាគមន៍ព្រះអង្គ ឃើញដូច្នោះសាវក​ក៏ចង់​ឲ្យព្រះយេ​ស៊ូបំផ្លាញ​ពួក​គាត់ តែព្រះយេស៊ូបានឆ្លើយថា ទុកឲ្យគាត់ចឹងទៅ! បើគាត់មិនស្វាគមន៍មិនអីទេ! ព្រះអង្គក៏​សុខចិត្ត​យាង​ទៅ​ភូមិផ្សេងៗទៀត។

ពិតមែន! បងប្អូនដឹងហើយថាការប្រកាសដំណឹងល្អរបស់យើង ជួនកាលយើងនិយាយអំពីព្រះជាម្ចាស់ អំពី​សក្ខីភាពពីព្រះអង្គ ប៉ុន្តែ! គេមិនចង់ស្តាប់ នឹងទទួល ដូច្នេះ​ប្រសិន​បើ​បងប្អូន​នឹង​ឃើញ​ថា​គេ​មិន​ពេញ​ចិត្ត ចូរ! យើងកុំខឹង ឬបាក់ទឹកចិត្ត ចូរយើងនៅតែប្រកាសនូវអ្វីដែលព្រះអង្គចាត់ឲ្យយើងធើ្វ ដោយសារ​ព្រះ​អង្គ​​ចង់​ឲ្យយើងធ្វើជាសក្ខីភាពអំពីព្រះអង្គ ទោះបីមនុស្សជាតិសាសន៍ផ្សេងៗទទួល ឬអត់ អាហ្នឹ​ង​គឺ​ចិត្ត​​មនុស្ស​ម្នាក់​ៗ​។ តែតួនាទីរបស់យើងគឺត្រូវតែផ្ដល់សក្ខីភាព នឹងប្រកាសដំណឹងល្អ។

បងប្អូនជាទីស្រឡាញ់! សូមឲ្យព្រះបន្ទូលថ្ងៃនេះជួយបងប្អូន ដើម្បីឲ្យយើងអាចផ្ដល់សក្ខីភាព នឹង​បន្ត​បេ​ស​កកម្ម ទោះបីមានការរារាំង ទោះបីមានឧបសគ្គ ដើម្បីឲ្យយើងអាចបន្តបេសកកម្ម​របស់​ព្រះអង្គ​នៅ​ក្នុង​លោក​នេះបានយ៉ាងល្អ។ សូមព្រះជាម្ចាស់ប្រទានពរឲ្យអស់បងប្អូន៕​