ថ្ងៃទី១៦ ខែតុលា ឆ្នាំ២០២៤អត្ថាធិប្បាយគម្ពីរ ​លូកា (១១,៤២-៤៦)បកស្រាយដោយ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរព! នៅក្នុងអត្ថបទព្រះគម្ពីរថ្ងៃនេះ​លូកា ១១,៤២-៤៦។ ព្រះយេស៊ូមានព្រះបន្ទូលអំ​ពីពុត​ក្បត់​របស់ពួកបណ្ឌិតខាងវិន័យ និងពួកគណៈផារ៉ាស៊ីព្រះយេស៊ូមានព្រះបន្ទូលថា ពួកផារ៉ាស៊ីអើយ­­­­ អ្នក​រាល់​គ្នា​នឹងត្រូវវេទនាជាមិនខានព្រោះអ្នករាល់គ្នាយកជីអង្កាម ជ័រលី្វងទេស និងបន្លែគ្រប់​មុខ​ថ្វាយ​ព្រះ​ជា​អម្ចាស់ ប៉ុន្តែអ្នករាល់គ្នាមិនបានប្រព្រឹត្តតាមសេចក្តីសុច្ចរិត និងស្រឡាញ់យើងឡើយ កាល​នេះ​ហើយ​ដែល​អ្នករា​ល់គ្នាត្រូវប្រព្រឹត្ត ឯកាលដទៃទៀតក៏អ្នករាល់គ្នាមិនត្រូវបំភ្លេចចោលដែរ។

បងប្អូនជាទីគោរព!ពួកបណ្ឌិតខាងវិន័យ និងពួកគណៈផារ៉ាស៊ីច្រើនដង​ច្រើនសារប្រព្រឹត្តកិច្ច​ការមួយ​ដើម្បីឲ្យ​គេមើលឃើញការងាររបស់គេ និងទទួលបានការសរសើរ។  ដូច​ក្នុងអត្ថបទថ្ងៃនេះ​ពួក​ផារ៉ាស៊ី​យក​ជីអង្កាម ជ័រល្វីងទេស និងបន្លែគ្រប់មនុស្សដាក់ថ្វាយព្រះជាអម្ចាស់ ប៉ុន្តែពួក​គេ​គ្មាន​យុត្តធម៌ចំពោះអ្នកដទែ ព្រមទាំងមិនស្របានឡាញ់ព្រះជាអម្ចាស់ផងដែរ ។ តាមពិត​ការងា​រទាំង​ពីរ​មានសារៈសំខាន់ប៉ុន្តែការស្រឡាញ់ព្រះជាអម្ចាស់ និង​ការ​ស្រឡាញ់អ្ន​កដទៃ​អស់​ពីដួ​ងចិត្តសំខាន់ជាង​ការ​ងា​រឯទៀតៗ។

ដូច្នេះព្រះយេស៊ូមានព្រះបន្ទូលទៅកាន់ពួគគណៈផារ៉ាស៊ីត្រូវធ្វើការងារទាំងពីរ ម្យ៉ាង​ទៀតការងារ​ទាំងអស់​ត្រូវនាំ​ឱ្យពួកគេស្រឡាញ់ព្រះអង្គ នឹងស្រឡាញ់បងប្អូនឯទៀតៗដូចខ្លួនឯង។ ម្យ៉ាង​ទៀតពួកខាងគណៈ​ផារ៉ាស៊ី​ចូលចិត្តអង្គុយនៅកន្លែងកិត្តិយសនៅក្នុងសាលាប្រជុំ ហើយ​គេចូលចិត្តឱ្យអ្នករាល់គ្នា​គោរពនៅតា​មទីផ្សារ ពួកខាងគណៈផារ៉ាស៊ីជាមនុស្សល្អតែខាងក្រៅ ព្រោះខាងក្នុងពួកគេជាមនុស្សអាក្រក់​មិនជឿ​លើ​ព្រះជាអម្ចាស់ទេ និងមិនធ្វើអំពើល្អដល់អ្នកដទៃសោះឡើយ បងប្អូនជាទីគោរពតើពួកយើងជា​មនុស្ស​ប្រភេទ​មួយណា? តើពួកយើងក៏ស្រឡាញ់ព្រះជាអម្ចាស់ និងអ្នកដទៃតាមតែបបូរមាត់? ព្រះជា​អម្ចាស់​បង្កើ​ត​មនុស្សយើងដើម្បីស្រឡាញ់ព្រះជាអម្ចាស់ និងអ្នកដទៃដូចពួកយើង។

ព្រះយេស៊ូស្តីបន្ទោសពួកបណ្ឌិលខាងវិន័យដោយមានព្រះបន្ទូលថា ពួកបណ្ឌិតខាងវិន័យអើយអ្នក​រាល់​គ្នា​ក៏​ត្រូវវេទនាដែរ ព្រោះអ្នករាល់គ្នាបានបង្កើតវិន័យ​តឹងរឹងយកមកទុកលើមនុស្ស ហើយអ្នករាល់គ្នាមិន​ជួយ​គេ​ទេ សូម្បីតែបន្តិចក៏មិនជួយផង។ ពួកបណ្ឌិតខាងវិន័យជាមនុស្សចេះដឹងព្រះយេស៊ូស្តីបន្ទោសពួកគេ​ដោយ​សារពួកគេមិនធ្វើតាមអ្វីដែលគេបង្រៀន ឬចងអ្នកដទៃឱ្យធ្វើតាម ពាក្យសម្តី និងការងារ​របស់​ពួក​បណ្ឌិត​ខាងវិន័យ​ខុសឆ្ងាយពីគ្នា។

បងប្អូនជាទីគោ​រព! តាមរយៈអត្ថបទ​ថ្ងៃនេះ​ព្រះ​យេស៊ូអញ្ចើញ​ពួកយើង​ក្លាយជាមនុស្សស្មោះ​ត្រង់នៅ​មុខ​មនុស្ស ព្រមទាំងនៅមុខព្រះភ័ក្ត្រព្រះអង្គដែរ។ វិន័យត្រូវជួយមនុស្សយើងស្រឡាញ់ព្រះជាអម្ចាស់ និង​គោរព បម្រើបងប្អូនឯទៀតៗដូចខ្លួនឯង។ សូមព្រះជាអម្ចាស់ប្រទានពរយើង៕