ទេវវិទ្យានៅអាស៊ីត្រូវតែរីកចម្រើនចេញពីបទពិសោធន៍នៃជីវិតរស់នៅប្រចាំថ្ងៃរបស់ប្រជាជននៅអាស៊ី ជាជាងស្ថិតនៅតែក្នុងថ្នាក់រៀន ហើយវាគួរតែជាមូលដ្ឋាននៃការជជែកវែកញែកនៅក្នុងការសិក្សា និងជីវិតសង្គមនានា។
លោកអភិបាល អាឌ្រីរ៉ាណូស ស៊ូណាកូ (Adrianus Sunarko, OFM) អភិបាលនៃព្រះសហគមន៍ផែនកាល់ភីណាង (Pangkal Pinang) ប្រទេសឥណ្ឌូនេស៊ី និងជាប្រធានការិយាល័យទេវវិទ្យានៃ FABC បាននិយាយថា ទេវវិទ្យាគួរតែអមជាមួយបេសកកម្មរបស់ព្រះសហគមន៍ ហើយគួរតែមានការចូលរួមជាមួយវប្បធម៌ក្នុងស្រុក ព្រមទាំងជាសញ្ញានៃសម័យកាលនៅអាស៊ី។
លោកបានពិពណ៌នាអំពីអ្នកទេវវិទ្យាថា ពួកគេមិនត្រឹមតែជាអ្នកប្រាជ្ញប៉ុណ្ណោះទេ ប៉ុន្តែថែមទាំងជាអ្នកធ្វើដំណើររួមកាន់ដៃជាមួយប្រជារាស្ត្ររបស់ព្រះ ដោយជួយព្រះសហគមន៍ឱ្យយល់អំពីរបៀបដែលដំណឹងល្អនិយាយអំពីការពិតនៃទ្វីប ដែលត្រូវបានសម្គាល់ដោយភាពចម្រុះខាងសាសនា វប្បធម៌បុរាណ ទំនើបកម្មយ៉ាងឆាប់រហ័ស និងបញ្ហាប្រឈមសង្គមដ៏ស្មុគស្មាញ។
លោកបាននិយាយថា ទេវវិទ្យាអាស៊ីពិតប្រាកដត្រូវតែកើតចេញពីបទពិសោធន៍រស់នៅរបស់ព្រះសហគមន៍ក្នុងស្រុក ដែលផ្សារភ្ជាប់នឹងប្រពៃណីរបស់ព្រះសហគមន៍កាតូលិកជាសាកល។
Daily Program
