សមាជិកសន្និបាតនៃព្រះសហគមន៍កាតូលិក មកពីទូទាំងទ្វីបអាស៊ីបាននិយាយថា ពួកគេនឹងត្រឡប់ទៅមាតុប្រទេស វិញជាមួយនឹង ការប្តេជ្ញាចិត្តឡើងវិញចំពោះការស្តាប់ ការប្រែចិត្តគំនិត និងការសន្ទនា បន្ទាប់ពីបានចូលរួមនៅក្នុងសន្និបាតរយៈពេល៣ថ្ងៃ នៅដើមខែកញ្ញានេះ ។
ក្នុងអំឡុងពេលចែករំលែកមតិយោបល់ក្រោយបិទបញ្ចប់សន្និបាតចម្លើយរបស់ប្រតិភូចូលរួម បានបង្ហាញពីរបៀបដែលសន្និបាតនេះ បានផ្លាស់ប្តូរហួសពីការពិភាក្សាអំពីរចនាសម្ព័ន្ធ និងដំណើរការឆ្ពោះទៅរកការយល់ដឹងកាន់តែស៊ីជម្រៅអំពីព្រះសហគមន៍ ។ អ្នកចូលរួមបានលើកឡើងថា សន្និបាតនេះ ជាវិធីខាងវិញ្ញាណដើម្បីប្រមូលផ្តុំការចែករំលែកបទពិសោធន៍នៃការរស់នៅ ការស្តាប់ និងការវិនិច្ឆ័យជាមួយគ្នា។
លោកបូជាចារ្យ អេនដូនីយ៉ូ ហ្រ្គីហ្គោរូស ឡាលូ ( Anthonius Gregorius Lalu) មកពីប្រទេសឥណ្ឌូនេស៊ីបាននិយាយថា លោកកំពុងយកបទពិសោធន៍នៃសន្និបាតទៅមាតុប្រទេសរបស់លោកវិញ ។
លោកបានមានប្រសាសន៍ថា “នៅក្នុងសន្និបាតនេះ យើងបានស្តាប់គ្នា ចែករំលែកបទពិសោធន៍របស់យើង និងរៀនពីគ្នាទៅវិញទៅមក” ដោយពិពណ៌នាអំពីការជួបជុំនេះថាជាប្រភពនៃថាមពលថ្មីសម្រាប់ព្រះសហគមន៍កាតូលិក ឥណ្ឌូនេស៊ី។
លោកក៏បានសង្កត់ធ្ងន់លើតួនាទីរបស់សមាជិកក្រុមសន្និបាតជាតិ ក្នុងនាមជាអ្នកបង្កើតចលនា និងអ្នកសម្របសម្រួល ជាជាងអ្នកគ្រប់គ្រង។
លោកបូជាចារ្យ តេរ៉េស ជី ( Terese Chi ) មកពីប្រទេសវៀតណាម ដែលចូលរួមធ្វើជា អ្នកផ្សព្វផ្សាយសាសនា បាននិយាយថា លោកកំពុងនាំយកបំណងប្រាថ្នាថ្មីទៅវៀតណាមដើម្បីជួយយុវជនឱ្យយល់ពី ស្មារតីនេះ តាមវិធីជាក់ស្តែង។
លោកបាននិយាយថា លោកចង់ជួយពួកគេឱ្យពង្រឹងទំនាក់ទំនងរបស់ពួកគេជាមួយព្រះគ្រីស្ទតាមរយៈព្រះគម្ពីរ សិល្បៈ និងឱកាសសម្រាប់ការសន្ទនា។ លោកក៏បានសង្កត់ធ្ងន់លើការផ្លាស់ប្តូរពីគ្រាន់តែនិយាយទៅកាន់មនុស្សទៅជាការស្តាប់តម្រូវការ ការចែករំលែកការឈឺចាប់ និងរឿងរ៉ាវរបស់ពួកគេ។
លោកបូជាចារ្យ ចូវីយូ រីហ្គោ ដេ ជេស៊ូ អារូហ្សូ ( Jovio Rego de Jesus Araujo) មកពីប្រទេសទីម័រខាងកើត បានកំណត់អត្តសញ្ញាណការប្រែចិត្តគំនិត និងការសន្ទនានៅក្នុងព្រះវិញ្ញាណថាជាមេរៀនសំខាន់ពីរ។
លោកបូជាចារ្យបាននិយាយថា ការប្រែចិត្តគំនិតត្រូវតែពាក់ព័ន្ធទាំងមនុស្សសាមញ្ញ និងមេដឹកនាំព្រះសហគមន៍ ដោយមនុស្សគ្រប់គ្នាអនុញ្ញាតឱ្យព្រះវិញ្ញាណបរិសុទ្ធផ្លាស់ប្តូរពួកគេ។ លោកបានបន្ថែមថា ការទទួលស្គាល់ភាពទន់ខ្សោយរបស់មនុស្ស អាចក្លាយជាចំណុចចាប់ផ្តើមសម្រាប់ការបន្តជីវិតផ្ទាល់ខ្លួន និងព្រះសហគមន៍ ។
Daily Program
