លោកអភិបាលព្រះសហគមន៍ហ្វីលីពីនជំរុញឱ្យកម្មកររក្សាសេចក្តីថ្លៃថ្នូរ និងភាពស្មោះត្រង់

នាថ្ងៃទិវាពលកម្មអន្តរជាតិ និង ពិធីបុណ្យសន្តចូសេពនៃកម្មករព្រះសហគមន៍កាតូលិកហ្វីលីពីនមួយនៅក្នុងទីក្រុង អេនទីប៉ូឡី (Antipolo) បានអំពាវនាវដល់បងប្អូនជាកម្មករដែលមានជំនឿលើកាតូលិកទាំងអស់ ឱ្យរក្សាសេចក្តីថ្លៃថ្នូរ និងភាពស្មោះត្រង់ក្នុងការងាររបស់ពួកគេ ដោយពណ៌នាអំពីការងារថាជាមុខរបររួមដែលព្រះជាម្ចាស់បានប្រទានមកមនុស្សជាតិ។

នៅក្នុងសុន្ទរកថាទៅកាន់គ្រីស្តបរិស័ទនាឱកាសនោះ លោក រ៉ូបឺតូ សានតូស (Roperto Santos ) អភិបាលនៃព្រះសហគមន៍កាតូលិកភូមិភាគអេនទីប៉ូឡូ បានមានប្រសាសន៍ថា មនុស្សទាំងអស់ ទាំងអ្នកមានជំនឿ និងពលរដ្ឋ គឺជាកម្មករ មិនថាក្នុងការងារផ្លូវការ សេវាសាធារណៈ ឬការទទួលខុសត្រូវប្រចាំថ្ងៃនោះទេចាំបាច់ត្រូវមានភាពស្មោះត្រង់និងសេចក្តីថ្លៃថ្នូរ ហើយក៏ទទួលខុសត្រូវការងារផងដែរ។​

លោកអភិបាលបានសង្កត់ធ្ងន់ថា មនុស្សម្នាក់ៗត្រូវបានប្រគល់ភារកិច្ចដែលព្រះជាម្ចាស់បានប្រទានឱ្យពួកគេ ហើយភាពជោគជ័យក្នុងការងាររបស់មនុស្សម្នាក់គឺជាផ្នែកមួយនៃព្រះហឫទ័យរបស់ព្រះជាម្ចាស់។

លោកអភិបាលបានមានប្រសាសន៍ថា ព្រះជាម្ចាស់ប្រគល់ការងារឱ្យយើងម្នាក់ៗ... ហើយទ្រង់ចង់ឱ្យយើងទទួលបានជោគជ័យ ដោយបន្ថែមថា ព្រះជាម្ចាស់ផ្ដល់នូវអ្វីដែលត្រូវការសម្រាប់មនុស្សជាតិដើម្បីបំពេញកាតព្វកិច្ចរបស់ពួកគេ និងជួយកសាង សង្គមល្អ វិបុលភាព និងសន្តិភាព។

លោកអភិបាលបានចង្អុលបង្ហាញពីគុណសម្បត្តិបីយ៉ាងដែលបានបង្ហាញដោយលោក សន្តចូសេប គឺភាពស្មោះត្រង់ ការឧស្សាហ៍ព្យាយាម និងកិត្តិយស ជាគោលការណ៍ណែនាំសម្រាប់កម្មករ។

លោកអភិបាលបានជំរុញឱ្យបុគ្គលិក និងអ្នកជំនាញទាំងអស់អនុវត្តកាតព្វកិច្ចរបស់ពួកគេដោយភាពស្មោះត្រង់ និងយកចិត្តទុកដាក់ ដោយជៀសវាងការងារ និងការអនុវត្តក្រោមស្តង់ដារដែលធ្វើឱ្យខូចដល់ភាពសុចរិត។

លោកអភិបាលក៏បានគូសបញ្ជាក់ពីសារៈសំខាន់នៃភាពស្មោះត្រង់ចំពោះការប្តេជ្ញាចិត្តរបស់មនុស្សម្នាក់ ជាពិសេសក្នុងចំណោមអ្នកដែលបានស្បថវិជ្ជាជីវៈ និងសាធារណៈ។

លោកបានលើកឡើងពីអ្នកដែលប្រឡងជាប់អាជ្ញាប័ណ្ណ និងប្រឡងមេធាវី ក៏ដូចជាអ្នកដែលចូលកាន់តំណែងសាធារណៈ ដោយរំលឹកពួកគេអំពីការសន្យារបស់ពួកគេក្នុងការបម្រើដោយភាពស្មោះត្រង់ និងមិនលោភលន់៕