បញ្ជាការយោធាអាម៉េរិកសម្រាប់តំបន់មជ្ឈិមបូព៌ា (Centcom) បានប្រកាសថា កាលពីថ្ងៃចន្ទ ទី១៣ ខែកក្កដា បញ្ជាការកណ្តាលអាម៉េរិក បានចាប់ផ្តើមបើកការវាយប្រហារនៅយប់ថ្ងៃទី៣ បន្តបន្ទាប់គ្នាប្រឆាំងនឹងអ៊ីរ៉ង់។ ការវាយប្រហារនេះនឹងបន្តធ្វើឲ្យខូចខាចធ្ងន់ធ្ងរដល់កង កម្លាំងអ៊ីរ៉ង់ និងកាត់បន្ថយសមត្ថភាពរបស់អ៊ីរ៉ង់ក្នុងការវាយប្រហារលើជនស៊ីវិល និងការចរាចរណ៍ទំនិញនៅក្នុងច្រកសមុទ្រអ័រមូស។
មកកាន់ការិយាល័យពងក្រពើ ក្នុងកិច្ចសម្ភាសន៍ដើម្បីដឹងថា តើលោកប្រធានាធិបតីអាម៉េរិក ធ្លាប់គិតថា កិច្ចព្រមព្រៀងមួយជាមួយទីក្រុងតេអេរ៉ង់នឹងអាចអនុវត្តបាន ឬអត់? លោក ដូណាល់ ត្រាំ បានឆ្លើយថា លោកគិតថា កិច្ចព្រមព្រៀងមួយគឺអាចទៅរួច។ ច្បាស់ណាស់ លោកគិតថា វាអាចអនុវត្តបាន។
ចំណែកប្រទេសអារ៉ាបរួម អេមីរ៉េត បានប្រាប់ឲ្យដឹងអំពីការវាយប្រហារដោយមីស៊ីលអ៊ីរ៉ង់ ប្រឆាំងនឹងនាវាដឹកប្រេង ២ ក្នុងចំណោមនាវាដឹកប្រេងនានា របស់ខ្លួននៅក្នុងច្រកសមុទ្រ អ័រមូស ដែលបានសម្លាប់សមាជិកនាវិកជនជាតិឥណ្ឌាម្នាក់។ នៅក្នុងសេចក្តីប្រកាសមួយនៅ លើបណ្តាញសង្គមអ៊ិក (X) ក្រសួងការពារជាតិអារ៉ាបរួម អេមីរ៉េត បានប្រកាសថា នាវាដឹកប្រេងជាតិ ២ គ្រឿង ឈ្មោះ មុមបាសា និងអាល់ បាហ៊ីយ៉ា បានក្លាយជាគោលដៅវាយប្រហារដោយមីស៊ីលបណ្តែត២ របស់អ៊ីរ៉ង់ នៅខណៈដែលពួកវាឆ្លងកាត់តាមផ្លូវនាវាចរណ៍ភាគខាងត្បូងនៃច្រកសមុទ្រអ័រមូស នៅក្នុងដែនទឹករបស់ប្រទេសអូម៉ង់។
យោងតាមសេចក្តីប្រកាសមួយដែលផ្សព្វផ្សាយដោយទូរទស្សន៍រដ្ឋអ៊ីរ៉ង់ បានឲ្យដឹងថា ឆ្មាំបដិវត្តន៍អ៊ីរ៉ង់ បានប្រកាសថាបានវាយប្រហារលើរចនាសម្ព័ន្ធជាច្រើននៅបារ៉ែន។នៅក្នុងសារនេះ កងឆ្មាំបដិវត្តន៍ បានប្រកាសថា កងកម្លាំងម៉ារីននៃយោធាមនោគមន៍វិជ្ជាអ៊ីរ៉ង់បានដាក់គោលដៅវាយប្រហារលើមជ្ឈមណ្ឌលជាច្រើនទីតាំងដែលគាំទ្រដល់សព្វាវុធ មជ្ឈមណ្ឌលទំនាក់ទំនងផ្កាយរណប និងអគារស្នាក់នៅរបស់កងទ័ពសហរដ្ឋអាម៉េរិកនៅមូលដ្ឋានយោធាហ្ស៊ូហ្វ៊ែរ នៅក្នុងប្រទេសបារ៉ែន។
ការផ្ទុះឡើងវិញនូវសង្រ្គាមនៅមជ្ឈិមបូព៌ា បានធ្វើឲ្យតម្លៃប្រេងបានឡើងវិញ ៨៥ដុល្លារ ក្នុង១បារ៉ែល។ បន្ទាប់ពីការឡើងថ្លៃដ៏អស្ចារ្យជាង ៩% នៅថ្ងៃម្សិល តម្លៃប្រេងនៅតែបន្តឡើងទៀត។
ចំណែកនាយករដ្ឋមន្រ្តីអ៊ីរ៉ាក់ លោកអាលី អាល់ ហ្ស៉ៃឌី ត្រូវមានជំនួបជាមួយលោកដូណាល់ ត្រាំ។ ទស្សនកិច្ចរបស់លោកកើតមានឡើងនៅពេលចាប់ផ្តើមឡើងវិញពេញទំហឹងនូវការប្រឈមមុខរវាងសម្ព័ន្ធមិត្តដ៏ធំទាំងពីររបស់អ៊ីរ៉ាក់។ អ៊ីរ៉ង់ និងសហរដ្ឋអាម៉េរិក ដែលការប្រឆាំងយូរឆ្នាំរបស់ពួកគេ បានធ្វើឲ្យប្រទេសអ៊ីរ៉ាក់ក្លាយជាទីលានប្រយុទ្ធដើម្បីដណ្តើមឥទ្ធិពលគ្នា។
លោកអាលី អាល់ ហ្ស៉ៃឌី បានមកដល់សហរដ្ឋអាម៉េរិកកាលពីថ្ងៃទី១៣ ខែកក្កដាសម្រាប់ការស្ថិតនៅរយៈពេល ១សប្តាហ៍។ នៅឱកាសនេះដែរ លោកនឹងជួបតំណាងក្រុមហ៊ុនប្រេងនានារបស់អាម៉េរិកផង។
ជាអតីតធុរៈជន នឹងបានមកកាន់អំណាចដោយសារជ្រោមជ្រែងរបស់ប្រធានាធិបតីអាម៉េរិក លោកអាលី អាល់ ហ្ស៉ៃឌី បានសន្យានឹងផ្តល់ថាមភាពលើភាពផុយស្រួលនៃសេដ្ឋកិច្ចរបស់អ៊ីរ៉ាក់ ដែលបានពឹងផ្អែកយ៉ាងខ្លាំងលើការនាំចេញប្រេង។ ជាពិសេស លោកក៏ស្ថិតនៅក្រោមសំពាធឲ្យធ្វើការដកអាវុធឲ្យអស់ពីក្រុមទាហានអ៊ីរ៉ាក់ដែលគាំទ្រអ៊ីរ៉ង់ និងដែលត្រូវបានចោទប្រកាន់ថា បានដឹកនាំការវាយប្រហាររាប់រយលើហេដ្ឋារចនាសម្ព័ន្ធរបស់អាម៉េរិកនៅអ៊ីរ៉ាក់ក្នុងអំឡុងសង្រ្គាមមជ្ឈិមបូព៌ា ដែលបង្កឡើងដោយការវាយប្រហាររបស់អ៊ីស្រាអែល អាម៉េរិក ប្រឆាំងនឹងអ៊ីរ៉ងកាលពីដំណាច់ខែកុម្ភៈ។
Daily Program
