បេតិកភណ្ឌវប្បធម៌ឥណ្ឌូនេស៊ីត្រូវបានបង្ហាញនៅក្នុងពិធីបើកកិច្ចប្រជុំពេញអង្គលើកទី ១២ របស់ FABC

ប្រទេសឥណ្ឌូនេស៊ីបានស្វាគមន៍ក្រុមលោកអភិបាល ថ្នាក់ដឹកនាំ និងគ្រីស្តបរិស័ទនៃព្រះសហគមន៍កាតូលិកមកពីទូទាំងទ្វីបអាស៊ី ជាមួយនឹងការអបអរសាទរនូវភាពចម្រុះខាងវប្បធម៌របស់ខ្លួន ក្នុងអំឡុងពេលបើកកិច្ចប្រជុំពេញអង្គលើកទី ១២ នៃសហព័ន្ធអន្តរសភាលោកអភិបាលព្រះសហគមន៍កាតូលិកអាស៊ី (FABC) ដោយប្រើតន្ត្រីប្រពៃណី របាំ និងការបង្ហាញពីអត្តសញ្ញាណជនជាតិដើមភាគតិច។ រាល់កម្មវិធីដែលបានរៀបចំឡើងនេះ ត្រូវបានគណៈកម្មការរៀបចំអះអាងថា គឺជាព្រឹត្តិការណ៍ដើម្បីឆ្លុះបញ្ចាំងពីការអំពាវនាវរបស់ព្រះសហគមន៍ ឱ្យដើរជាមួយគ្នាទៅរកព្រះគ្រិស្តទាំងអស់គ្នា។

លោកបូជាចារ្យ ហេន ជេហារូត (Hans Jeharut) ប្រធានគណៈកម្មាធិការព្រឹត្តិការណ៍ FABC ២០២៦ បានអះអាងថា ការបង្ហាញវប្បធម៌គឺជាការបញ្ចេញមតិដោយចេតនារបស់ព្រះសហគមន៍កាតូលិកឥណ្ឌូនេស៊ី ជាជាងការកម្សាន្តធម្មតា។ លោកបូជាចារ្យបានមានប្រសាសន៍ថា៖ «នៅក្នុងពិធីបុណ្យសាសនាសំខាន់ៗនីមួយៗ យើងតែងតែព្យាយាមបង្ហាញពីភាពសម្បូរបែបនៃព្រះសហគមន៍នៅក្នុងប្រទេសឥណ្ឌូនេស៊ី។ តាមដែលអាចធ្វើទៅបាន តំបន់ផ្សេងៗគ្នាត្រូវបានតំណាង»។

ក្នុងចំណោមអ្នកចូលរួម សមាគមគ្រួសារកាតូលិកស៊ូម៉ាត្រាខាងជើង (IKKSU) ហ្សាកាតា បានផ្តល់ជូននូវការយល់ដឹងច្រើនជាងការសម្តែងវប្បធម៌។ ការចូលរួមរបស់ពួកគេបានឆ្លុះបញ្ចាំងពីការបម្រើខាងសាសនាអស់រយៈពេលជាច្រើនឆ្នាំ និងសាមគ្គីភាពជាមួយសហគមន៍ដែលខ្វះខាត។

លោក ឡូតវីជិក ស៊ីហាយ (Lodewijk Sihite) ប្រធានសមាគមគ្រួសារកាតូលិកស៊ូម៉ាត្រាខាងជើង ហ្សាកាតា បានអះអាងថា សមាគមបានកំពុងបម្រើព្រះសហគមន៍ដោយស្ងៀមស្ងាត់ តាមរយៈការអមដំណើរគ្រួសារដែលកាន់ទុក្ខ ជួយសិស្សដែលប្រឈមមុខនឹងការលំបាកផ្នែកហិរញ្ញវត្ថុ គាំទ្រដល់អ្នកចូលរួមសិក្ខាសាលា និងការបណ្តុះបណ្តាលសាសនា ព្រមទាំងឆ្លើយតបទៅនឹងតម្រូវការខាងសាសនាដោយមិនគិតពីសាវតារជនជាតិ។

លោកបាននិយាយថា៖ «ប្រហែលជាយើងមិនបានធ្វើអ្វីដ៏អស្ចារ្យទេ ប៉ុន្តែយើងបានព្យាយាមមានវត្តមានគ្រប់ទីកន្លែងដែលកិច្ចការបម្រើរបស់សាសនាចក្រត្រូវការយើង»។ ការប្តេជ្ញាចិត្តនោះបានក្លាយជាចំណុចជាក់ស្តែងជាពិសេស បន្ទាប់ពីគ្រោះមហន្តរាយធម្មជាតិបានវាយប្រហារភូមិភាគមួត នៅស៊ូម៉ាត្រាខាងជើង ជាកន្លែងដែលសមាគមគ្រួសារកាតូលិកស៊ូម៉ាត្រាខាងជើងបានធ្វើការជាមួយព្រះសហគមន៍ក្នុងស្រុក ក្នុងកិច្ចខិតខំប្រឹងប្រែងសង្គ្រោះ និងស្តារឡើងវិញ។ ការបម្រើរបស់ពួកគេនៅទីបំផុតបាននាំឱ្យអ្នករៀបចំ FABC អញ្ជើញសមាគមឱ្យតំណាងឱ្យស៊ូម៉ាត្រាខាងជើង ក្នុងអំឡុងពេលប្រារព្ធពិធីបើក។