កម្មវិធី​កាន់ទុក្ខសម្តេចប៉ាបនៅបន្ត ឯដំណើរការ រីឯឆ្នាំ​មហាករុណាទិគុណក៏នៅបន្ត

យុវជន​មកពីប្រទេសជាច្រើនបានបន្តប្រមូលផ្តុំគ្នានៅទីក្រុងរ៉ូម ដើម្បីទទួល​ព្រះមហា​ករុណាទិគុណពី​ព្រះជាម្ចាស់​។

ដំណើរការនៃឆ្នាំ​មហា​ករុណាទិគុណ ទោះបីជា​កែប្រែបន្តិច ដោយសារតែការសោយទិវង្គតរបស់ សម្តេចប៉ាបហ្រ្វង់ស៊ីស្កូ ប៉ុន្តែគឺនៅតែបន្តរៀបចំ។ យុវជនមួយ​ចំនួន​​បានរៀបចំឡើងកាលពី ថ្ងៃទី ២៥ ដល់ ២៧  ខែមេសា ជាមួយនឹងយុវជនរាប់ម៉ឺននាក់មកពីជុំវិញពិភពលោក។

យុវតី ជាជនជាតិបារាំង​មា្នក់បាននិយាយថា​ នាងមកពីទីក្រុងលីយ៉ុង​ជាមួយនឹងក្រុមយុវជន​របស់​នាង​។ នាងគិតថា ពិធីនេះត្រូវលុបចោល បន្ទាប់ពីទទួលព័ត៌មានអំពីការសោយទិវង្គតរបស់សម្តេចប៉ាប ប៉ុន្តែវានៅតែបន្តរៀបចំ។

យុវតីរូបនោះបានបន្តថា «នៅពេលដែលយើងដឹងពីការសោយទិវង្គតរបស់​សម្តេចប៉ាប យើងឆ្ងល់ថា កម្មវិធី​ឆ្នាំ​មហា​ករុណាទិគុណនឹងបន្តរៀបចំឬអត់ សំណាងហើយដែលវានៅ​ធ្វើ!»។

យុវតីរូបនោះបានលើកឡើងថា ខ្លួននិងសមាជិកក្រុមគឺបានត្រៀមថានឹងចូលរួមព្រឹត្តិការណ៍នេះយូរមកហើយ។

ដោយឡែកយុវជនម្នាក់វិញ បានលើកឡើងថា នេះជាបំណងប្រាថ្នារបស់សម្តេចប៉ាប ហើយពេល​ដែលយើងបានចូលរួម​ក៏បញ្ជាក់អំពីអ្វីដែលយើងបានធ្វើជាចុងក្រោយសម្រាប់ទ្រង់៕