លោកអគ្គអភិបាល ភីតធ័រ វលស៍ (Peter Wells) ឯកអគ្គរាជទូតសន្តអាសនៈប្រចាំ កម្ពុជា និងថៃ បានជំរុញឱ្យមានការប្តេជ្ញាចិត្តជាថ្មី ក្នុងការជួយមនុស្សរាប់ពាន់នាក់ ដែលភៀសខ្លួនដោយសារជម្លោះព្រំដែន ដែលបានធ្វើឱ្យទំនាក់ទំនងប្រទេសទាំងពីរកាន់តែតានតឹង។
លោកអគ្គអភិបាលបានប្រាប់ទីភ្នាក់ងារសារព័ត៌មាន Fides ថា យើងទាំងអស់គ្នាមានសេចក្តីសោមនស្សរីករាយណាស់ដែលផ្លូវនៃកិច្ចសន្ទនាដែលធ្វើឡើងដោយកម្ពុជា និងថៃ បាននាំឱ្យមានកិច្ចព្រមព្រៀងជាច្រើន ដែលសង្ឃឹមថានឹងនាំទៅរកការផ្សះផ្សាជាតិ និងសន្តិភាពយូរអង្វែងរវាងភាគីពាក់ព័ន្ធ។
នៅក្នុងនាមជាអគ្គរាជទូតរបស់សម្តេចប៉ាបប្រចាំនៅប្រទេសទាំងពីរ លោកបានចែករំលែកថា "សន្តអាសនៈ សង្ឃឹមថាការប្តេជ្ញាចិត្តនេះនឹងបន្តនាពេលអនាគតដើម្បីជៀសវាងការកើតឡើងនូវអំពើហិង្សាដែលយើងបានឃើញនៅក្នុងប៉ុន្មានសប្តាហ៍ថ្មីៗនេះ។
ជម្លោះនៅតាមព្រំដែនរួមបានផ្ទុះឡើងនៅចុងខែកក្កដា ដែលនាំឱ្យមានអំពើហិង្សាដ៏អាក្រក់បំផុតក្នុងតំបន់ក្នុងរយៈពេលជាងមួយទសវត្សរ៍។
លោកអគ្គអភិបាល បាននិយាយថា យើងក៏ត្រូវបានលើកទឹកចិត្តផងដែរដោយការពិតដែលថាឥឡូវនេះយើងអាចផ្តោតលើមនុស្សរាប់ពាន់នាក់ដែលត្រូវបានផ្លាស់ទីលំនៅដោយជម្លោះដ៏ក្រៀមក្រំនេះនិងត្រូវការជំនួយ៕
Daily Program
