អ្នកសង្កេតការណ៍អចិន្ត្រៃយ៍របស់សន្តអាសនៈ ប្រចាំនៅអង្គការសហប្រជាជាតិបាន សង្កត់ធ្ងន់លើកាតព្វកិច្ចសីលធម៌ក្នុងការគាំទ្រសហគមន៍ដែលរងផលប៉ះពាល់និងឆ្ពោះទៅកាន់ពិភពលោកដែល គ្មានអាវុធនុយក្លេអ៊ែរ។ នេះបើតាមសេចក្តីរាយការណ៍របស់វ៉ាទីកង់ញូវ។
ថ្លែងនៅឯកិច្ចប្រជុំពេញអង្គកម្រិតខ្ពស់ដើម្បីរំលឹកដល់ទិវាអន្តរជាតិប្រឆាំងនឹងការធ្វើតេស្តអាវុធនុយក្លេអ៊ែរ អ្នកសង្កេតការណ៍អចិន្ត្រៃយ៍របស់សន្តអាសនៈ ប្រចាំនៅអង្គការសហប្រជាជាតិលោក អគ្គអភិបាល ហ្គាព្រីអែល ខាស្សា (Gabriele Caccia) បានអំពាវនាវជាបន្ទាន់ឱ្យមានការប្តេជ្ញាចិត្តជាថ្មីចំពោះកិច្ចសន្ទនា សន្ធិសញ្ញារំសាយអាវុធ និងការយកចិត្តទុកដាក់ចំពោះសហគមន៍ដែលនៅតែទទួលរងនូវផលវិបាកនៃការធ្វើតេស្តនុយក្លេអ៊ែរ។
លោកអគ្គអភិបាល បានលើកឡើងពីការកើនឡើងជាថ្មីឡើងវិញនូវ វោហាសាស្ត្រដែលពាក់ព័ន្ធនឹងអាវុធនុយក្លេអ៊ែរដ៏គ្រោះថ្នាក់បំផុតនៅលើពិភពលោក។
នៅទីក្រុងញូវយ៉ក លោកអគ្គអភិបាលបានរំលឹកថា ប៉ែតសិបឆ្នាំបានកន្លងផុតទៅចាប់តាំងពី ។
លោកអគ្គអភិបាលបានបង្ហាញនូវអារម្មណ៍សោកស្ដាយនិងបានរំលឹកថាការផ្ទុះអាវុធនុយក្លេអ៊ែរលើកដំបូងគឺធ្វើឡើងកាលពី៨០ឆ្នាំមុន ហើយវាប៉ះពាល់ជាបន្តបន្ទាប់ចំពោះមនុស្សជាតិ ចំពោះការធ្វើតេស្តនុយក្លេអ៊ែរជាងពីរពាន់ដែលបានធ្វើឡើងចាប់តាំងពីឆ្នាំ ១៩៤៥ មក។ លោកសង្កត់ធ្ងន់ថាពួកគេបានធ្វើឱ្យប៉ះពាល់ដល់ជនជាតិដើមភាគតិច ស្ត្រី កុមារ និងទារកដែលមិនទាន់កើត។
លោកបានមានប្រសាសន៍ថា “សុខភាព និងសេចក្តីថ្លៃថ្នូររបស់មនុស្សជាច្រើននៅតែបន្តរងផលប៉ះពាល់ក្នុងភាពស្ងៀមស្ងាត់ ហើយជាញឹកញាប់ដោយគ្មានការដោះស្រាយ”។
លោកបានសង្កេតឃើញថា "វាមានការព្រួយបារម្ភជាពិសេសថា នៅចំពោះមុខការទទួល ខុស ត្រូវ ដ៏សំខាន់ និងរួមនេះ ការឆ្លើយតបជាសកលហាក់ដូចជាកំពុងមានចលនាក្នុងទិសដៅផ្ទុយ"៕
